[A:209]
steng nas ngag dbang yon tan rgya mtshos stsal ba'i brgyud pa ni/ gu ge paN chen yan gong ltar la/ de man 'jam rdor ltar ro// //rnal 'byor gyi dbang phyug chen po rol pa'i rdo rjes ye shes kyi DA ki ro langs ma las dngos su gsan pa'i snyan brgyud rdo rje'i tshig rkang gi man ngag zab mo/ 'phags yul paN grub rgya mtsho'i thugs dam gyi snying por gyur pa/ bal yul ye rong dI paM ka ras rwa chen rdo rje grags pa la chig brgyud du stsal ba'i dpal rdo rje'i 'jigs byed rwa khrid mkha' 'gro'i snyan brgyud kyi nyams khrid ngag dbang chos grags kyi rnam bshad/ mkhyen brtse'i khrid yig /kun dga' bsod nams kyi chos 'byung khog phub tu btad nas rnam bshad zin thun dang / khrid dngos la sngon 'gro rnams dang / dngos gzhi'i bskyed rim la spyi bye brag la sems 'dzin pa phyi'i rnal 'byor/ nang du gnas lnga'i rdo rje 'jigs byed sogs la sems 'dzin pa nang gi rnal 'byor/ lha sku gsal stong bde chen du bsgrub pa'i phyir rwa rtse'i rnal 'byor phyi nang gnyis dang sbyang gzhi sbyong byed/ rdzogs rim la gsang dbang / sher dbang / bzhi pa'i lam gsum las/ dang po lus gnad 'khrul 'khor/ ngag gnad rdor bzlas/ yid gnad rlung lnga'i ting 'dzin/ lus rtsa grol ba'i thabs/ gtum mo ye shes kyis bdud rtsi 'bebs thabs/ sher dbang la phyag rgya dngos dang ye shes gnyis/ dbang bzhi pa spros bral de kho na nyid/ rjes brtan zhing bogs dbyung ba/ spyod pa gsum dang lam gyi 'bras bu mngon du gyur pa'i 'bras bu bcas legs par thob pa'i brgyud pa ni/ rdo rje 'chang / rdo rje ro langs ma/ grub chen la li ta badzra/