[A:216]
dang po'i sangs rgyas mkhyen brtse'i dbang po/ de gnyis kas bdag blo gter la'o// //dus gsum bde gshegs thams cad kyi bgrod pa gcig pa'i lam/ mdo rgyud man ngag thams cad kyi snying po/ 'jigs bral rnal 'byor gyi dbang phyug biRWa pa la rje btsun rdo rje bdag med nas dngos su stsal ba'i gdams ngag snyan brgyud tshad ma bzhi dang ldan pa'i gsung ngag rin po che lam 'bras bu dang bcas pa'i khrid mkhan chen ngag dbang chos grags kyi yig cha rnams kyi steng nas khog phub zin thun dang / gzhung ji lta ba bzhin bkri ba'i khrid kyi sngon 'gro snang ba gsum dang / dngos gzhi rgyud gsum gyi sgo nas bkri ba la kun gzhi rgyu'i rgyud la 'khor 'das dbyer med kyi lta ba bsgom pa'i khrid kyi nang gses lhan cig skyes pa'i chos gsum gyis mdor bstan/ nyams su blang ba'i gnas gsum gyis rgyas par bshad/ rgyud gsum gyis shin tu rgyas par bshad pa la/ nges 'byung bskyed pa ma dag snang ba'i khrid/ lhag bsam bskyed pa nyams kyi snang ba'i khrid/ spro ba bskyed pa dag pa'i snang ba'i khrid kyis rgyud sbyangs nas rig thog tu brdar sha gcad/ de dag gi skabs su dam tshig rnam bshad gtad/ lus thabs rgyud la dbang bzhi dang rjes su 'brel ba'i lam bsgom pa la/ dang po bum dbang la rnam bshad zin thun dang / phyi nang gi bskyed rim sems 'dzin dang bcas pa/ zhar byung lta ba/ grub mtha'/ 'da' kha ma/ bar do/ 'bras bu/ gsang dbang gi lam bdag byin brlabs/ khams 'dus pa dang po rlung sbyor bdun dang / gtum mo'i dmigs skor nyer dgu drod rtags/ zhar byung lta ba sogs lnga/ sher dbang gi lam khams 'dus pa bar ma dkyil 'khor gyi 'khor lo 'dod pa'i lcags kyu/ dga' bzhi lugs