[A:228]
grub kyis mdzad pa'i gong ma'i dgongs rgyan gyis kha 'gengs bcas gzhir bzhag ste/ de gnyis kyi sa bcad rje btsun rin po ches mdzad pas mdor bstan/ gzhung so so la 'bru gnyer ba'i sgo nas rgyas par bshad/ ngor chen 'jam pa'i dbyangs dkon mchog lhun grub kyi gsung rab tshul gsum mdzes rgyan dang / ljon shing mdzes rgyan gnyis sa gzhung sbrags ma zhib bshad dang bcas pas don bsdu ba'i tshul gyis gtan la phab pa sngon du 'gro bas/ rgyud bshad dngos gzhi la/ 'jam mgon sa skya paNDi tas mdzad pa'i gsung rab ltar sa bcad kyi sgo nas mdor bstan/ rje btsun rin po che'i rnam 'grel dag ldan gyi 'bru bsnan pas rgyas par bshad/ rgyud rang gi tshig don mdor bsdus pa'i tshul gyis bshad pas ngag 'don snying por dril ba'i bshad lung sbrags ma nyin bco lnga'i bar legs par thob pa'i brgyud pa la gnyis/ 'grel pa lugs gtso bor bton pa'i brgyud pa dang / man ngag lugs kyi bshad pa'i brgyud pa'o/
/dang po ni/ rdo rje 'chang / bdag med ma/ rnal 'byor gyi dbang phyug biRWa pa/ Dombi he ru ka a la la badzra/ dpal ldan nags khrod pa/ garbha ri pa/ bsod snyoms pa dza ya shrI/ slob dpon sbyang dka' zla ba/ de la slob ma'i mchog dpa' bo rdo rje/ seng ge rdo rje/ sgra gcan 'dzin dang gsum las/ 'dir dge slong dpa' bo rdo rje/ des lo tsA ba chen po shAkya ye shes la gnang / de la 'khon dkon mchog rgyal po/ mnga' ris pa gsal ba'i snying po/ se mkhar chu ba kun rig 'khyin lo tsA ba 'od kyi snang ba dang bzhi las/ 'khon dkon mchog rgyal po/ rje sa chen/ yang na/ bla ma mnga' ris pa/ 'khon sgyi chu ba dgra lha 'bar/ rje sa chen/ yang na/ se mkhar chu ba/ 'khon dkon mchog rgyal po/