[A:227]
btsun rin po che grags pa rgyal mtshan gyi ye shes sgyu ma'i rnam rol rje bla ma mkhyen brtse'i zhabs kyis mang mkhar mu gu lung lo tsA phug tu 'od gsal phyag rgya chen po'i ngang nas mang thos klu sgrub rgya mtsho las rtsa ba'i rgyud kyi bshad bka' cha lag dang bcas pa gsan pa dang / slar yang dpal brtse ba chen po las kyang gsan pa'i lo rgyus ngo mtshar can bzhugs pa'ang gtan tshigs kyi srog tu bzung ste nos pa'i tshul la/ nyin dang por/ bla slob thun mong du gnas khang byin rlabs dang / lam dus srung 'khor yan grub mtshams/ slob dpon gyis mngon rtogs 'bring po'i mthar dbyung nas/ gtor chog mdzes rgyan bzhin thams cad kyis gtor ma dbul/ de nas brgyud 'debs kun khyab ma dang / maNDal sngon du 'gro bas/ tshul dang po rgyud sde spyi'i rnam gzhag nas dbu brtsams te tshul gnyis pa rgyud kyi mtshan don bstan pa yan chad gsung bshad rgyas par mdzad mthar/ bla slob kun gyis kolla i re TaThi nas/ de yis sangs rgyas myur thob shog /gi bar gtor chog gzhug ltar bsngo smon rnam par dag pas grol/ nyin gnyis par/ sngon 'gro rnams kha sang ltar la/ tshul gsum pa rgyud kyi 'chad thabs nas brtsams te zin thun du bcad de/ tshul dang po gsum slob dpon rin po che bsod nams rtse mo zhes rgya gar gyi chu bo ganggA tshun chad du 'gran zla spangs pa'i mkhas pa/ sku lus ma spangs par 'og min chen por mngon sum du gshegs pa de nyid kyis mdzad pa'i rgyud sde spyi rnam dang / tshul dang po rgyud kyi mngon par rtogs pa gangs ri'i khrod tsam na mngon par mtho ba rdo rje 'dzin dbang bye ba'i gtsug rgyan rje btsun grags pa rgyal mtshan gyi gsung rab rin po che'i ljon shing la/ ngor chen dkon mchog lhun