[A:39]
dgon pa ba/ zangs dkar lo tsA ba/ zhu ston/ sa chen/ grags pa rgyal mtshan/ jo btsun grags pa seng ge rgya ston sgrub pa po/ rgya ston sgrub mchog rdo rje dpal/ bsod nams seng ge rin chen seng ge/ bu ston man 'dra/ yang na/ rdo rje dpal nas/ gzhon nu seng ge/ yab grags ston/ bsod nams rgyal mtshan/ bu ston man 'dra/ yang na/ bkra shis rgyal mtshan nas/ dpal ldan chos bzang / rin chen rgya mtsho/ bsod nams mchog grub man 'dra'o// ! //gnyis pa spyod pa'i rgyud kyi mtshan nyid ni/ 'dzum zhing dgod pa'i bde ba lam du byas te yid mtshan rtog las skyob par byed pa'i thabs 'khor dang bcas pa'o/ /sgra don ni/ u bha ya tantra zhes pa'i ra las drangs nas/ gnyis ka'i rgyud dam/ spyod pa'i rgyud ces bya ste/ phyi lus ngag gi bya ba dang nang ting nge 'dzin cha mnyam du skyod pas na gnyis ka gzhi mthun pa'i phyir de skad do/ /de la dbye na/ sku'i rgyud de bzhenabazhin gshegs pa'i rigs dang / gsung gi rgyud padma'i rigs dang / thugs kyi rgyud rdo rje'i rigs kyi rgyud dang gsum las/ de bzhin gshegs pa'i rigs kyi rgyud rnam par snang mdzad mngon par byang chub pa'i rgyud la brten nas slob dpon sangs rgyas gsang bas bkral zhing / lo chen rin chen bzang pos bsgyur bshad kyis gtan la phab pa'i bcom ldan 'das rnam par snang mdzad snying rje chen po'i snying po can gyi sku'i bkod pa mi zad pa'i rang bzhin gyi dkyil 'khor chen po la nang gi rnam par snang mdzad kyi dkyil 'khor la lha brgya dang sum cu rtsa lnga mtshan ma gnyis dang bcas pa/ de'i phyi rol shAka thub kyi dkyil 'khor la drang srong drug dang lha dbang gi 'khor ma gtogs pa'i lha/