[A:43]
dbang po/ mkhan chen byang chub seng ge man 'dra'o// ! //gsum pa rnal 'byor rgyud kyi mtshan nyid ni/ lag bcang gi bde ba lam du byas te yid mtshan rtog las skyob par byed pa'i thabs 'khor dang bcas pa'o/ /sgra don ni/ yo ga tantra zhes pa'i sgra les drangs nas/ rnal 'byor gyi rgyud de/ gtso bor ting nge 'dzin la sbyor ba'i rgyud yin pas na de skad do/ /dbye na thabs gtso bor ston pa dang / shes rab gtso bor ston pa'i rgyud gnyis kyi dang po la/ rtsa ba'i rgyud dpal de nyid bsdus pa/ bshad pa'i rgyud rdo rje rtse mo/ cha mthun gyi rgyud dpal mchog dang po 'phros pa'i rgyud/ ngan song sbyong rgyud sogs mang du bzhugs pa las/ rtsa rgyud de nyid bsdus pa'i dum bu dang po 'dod chags can gyis 'dod chags 'dul bar bstan pa de bzhin gshegs pa'i rigs dpal rdo rje dbyings kyi dbang bkal la/ dkyil chog rdo rje 'byung ba'i lugs kyi dbang rgyas 'bring bsdus gsum dang / 'grel chen de nyid snang ba nas 'byung ba'i lugs kyi dbang shin tu rgyas pa dang gnyis kyi dang po/ dpal rdo rje dbyings rtsa ba lugs lha so bdun mgron thabs dang bcas pa'i dkyil 'khor chen por dbang bskur ba kun mkhyen bu ston gyi dkyil chog sku zhang nam mkha'i mtshan can gyi dkyil 'khor rgyal mchog zur pa/ byang gling dbon rgyal ba'i lhan thabs/ shar chen la shes rgyal mtshan gyi dbang chog ces pa'i steng nas sta gon 'jug sngon du 'gro ba'i rdo rje slob ma'i dbang dang / rdo rje slob dpon gyi dbang / phyag rgya gsang bar gdams pa/ dkyil 'khor mchod pa/ tsA ru'i bza' ba'i bar smin rgyas su thob pa'i brgyud pa ni/