[A:64]
ye shes bkra shis/ ye shes dpal 'byor/ zhwa lu ri phug sprul sku blo gsal bstan skyong / lha btsun don grub rgyal mtshan/ rje 'jam dbyangs phrin las/ mkhan chen 'jam dbyangs rin chen rdo rje/ des bdag blo gter la'o/ /yang na/ zhabs drung 'jam dbyangs 'od zer nas/ mgon po bsod nams mchog ldan/ mtshungs med rin chen rgya mtsho/ kun dga' mang thos rgya mtsho man 'dra/ yang na/ ye shes bkra shis nas/ lce btsun mkhyen rab dbang po/ ye shes dpal 'byor man 'dra'o// ! //bzhi pa rnal 'byor chen po bla na med pa'i rgyud kyi ngo bo'am mtshan nyid ni/ dbang po gnyis sbyor gyi bde ba lam du byas te yid mtshan rtog las skyob par byed pa'i thabs 'khor dang bcas pa'o/ /sgra don ni/ mahA yo ga zhes pa'i sgra las drangs na/ rnal 'byor chen po ste/ thabs dang shes rab zung du 'jug pa'i nang gi rnal 'byor gyi khyad par gong na med pa gtso bor ston pa'i phyir na de skad do/ /dbye na/ rgyud sde'i skor dang / gdams ngag gi skor gnyis/ dang po la thabs gtso bor ston pa pha'i rgyud dang / shes rab gtso bor ston pa ma'i rgyud/ de gnyis ka'i khyab byed du gyur pa zung 'jug gtso bor ston pa gnyis su med pa'i rgyud dang gsum las/ dang po la'ang gdul bya 'dod chags can gtso bor rjes su gzung ba'i don du gsungs pa dpal gsang ba 'dus pa'i skor dang / gdul bya zhe sdang can gtso bor rjes su gzung ba'i don du gsungs pa dpal gshin rje'i gshed kyi skor dang / gdul bya gti mug can gtso bor rjes su gzung ba'i don du gsungs pa rnam snang sgyu 'phrul drwa ba'i skor dang gsum/ dang po la/ sangs rgyas gnyis pa 'phags mchog klu sgrub zhabs kyis