ni dngos kyi slob ma'o/ /zhes gsungs so/ /de rnams kyi nang nas klu sgrub mchog tu bstan te/ rin chen phung po bkod pa'i mdo sde las/ 'gro lding zhes bya'i grong khyer du/ /rgyal po ki ta ka dang ni/ /bram ze gha ta ma yi sras/ /klu sgrub ces bya 'byung 'gyur te/ /klu rnams kun gyi slob dpon no/ /zhes gsungs so/ /gzhan yang dpal mgon po dang / dpal lha mo'i rgyud la sogs pa dang / yongs su grags pa'i mdo rgyud mang po nas klu sgrub lung bstan pa brgya rtsa brgyad gsungs skad/ de ltar bde bar gshegs pas lung bstan pa'i ston pa gnyis pa lta bu'i slob dpon 'phags pa klu sgrub des gdul bya'i las can gyi nang nas thugs rje chen po 'phags pa spyan ras gzigs dbang phyug gis 'dug thugs mngon par shes pas gzigs pas khye'u ma he'i rdzi bo byed pa gcig 'dug nas de las dang skal bar ldan par gzigs te/ slob dpon gyis byis pa ma he'i rdzi bo byed pa de'i rtsar byon nas/ khyed ma he gtan du 'tsho ba yin nam zhes gsungs pas/ gtan du mi 'tsho/ 'khor ba'i chos la snying po mi gda' chos shig byed smras pas/ slob dpon gyis de la/ chos byed na ngas bslabs sam/ gsungs pas/ de gnang na shin tu legs pas bdag lha gcig sgom pa dang / snying po gcig zlos pa dang / sangs rgyas kyi dgongs pa phyin ci ma log pa yang dag pa'i don zhig zhu zer nas/ slob dpon gyis khyod kyi yid dang mig sngar ci yong gsungs pas/ byis pas smras pa/ bdag la yid yul dang mig sngar ma he'i phru gu gcig yong zhus pas/ slob dpon gyis khye'u de la gdams pa/ ma he'i phru gu de jo bo thugs rje chen po'i skur sgoms/ rang yang thugs rje chen por sgoms la/ snying po yi ge drug pa zlos shig 'phags pa'i thugs ka nas 'od zer byung rang la phog rang gi snying kha nas byung / 'phags pa spyan ras gzigs la phog ma he dang snang ba thams cad thugs rje chen por sgoms shig rang sems spros bral bdag gzhan gnyis su med/ /cir yang mi rtog rtsol med lhug par zhog /snang sems chos nyid skye ba med pa yin/ /ma rtogs 'khrul pa'i sems can byams dang snying rjes skyongs/ /zhes gsungs pa dang / khye'u des slob dpon gyis ji ltar gdams pa bzhin bsgoms bzlas byas shing nyams su blangs pas ma he bdud rtsis 'tsho zhing nyin re bzhin rtsa brngas te dgong mo ma he la rtsa phon re bkal nas 'ongs/ sang phod lo dus su song ba dang ma he'i phru gu'i snying kha nas tshur grod pa lta bu zhig byung / de'i nang nas khye'u dkar po shel ltar dag pa lag na gser gyi phyag shing la mu tig gi yi ge drug pa 'bur du dod pa thogs pa zhig byung nas/ ma he'i rdzi bo la phyag shing gtad de dbang bskur byin gyis brlabs nas dngos grub ci 'dod gsungs pas/ ma he'i rdzi bos phyag 'tshal skor ba byas nas bdag gi lus 'di 'phags pa'i skur gyur/ ngag byin gyis brlabs te yi ge drug pas 'gro ba rigs drug gi don byed par 'dod ces nas gdams ngag zhus pas sprul pa'i byang chub sems dpa'i zhal nas yi dam gyi lha rang gi sems su shes par gyis shig snying po gsal dag chos kyi rang sgra la shes par gyis/ sems rig pa stong gsal du shes par gyis/ stong pa chos sku skye med du shes par gyis/ sems can thams cad kyi don la mi skyo bar gyis/ gsungs nas lha de nam mkha' la 'ja'