zhes pa dang / de la blo mthun par blon po rnams na re de shin tu legs so/ /blon po chen pos rje la de skad zhus shig ces nas/ blon po mgar stong btsan gyis sha de rgyal po la drangs legs pa dang shis pa brjod/ rmi lam gyi bu mo de gnyis spyan drangs par 'tshal na de len pa'i thabs ji ltar bgyi zhes zhus pa dang / rgyal po'i zhal nas 'o na de legs so/ /dang po nub phyogs kyi bu mo spyan drongs shig de ston zla ra ba'i tshes brgyad kyi skar ma nabs so'i rjes la rgyal gyi nyi ma ri rtse la ma shar ba/ bya thi ba'i skad kyis mnon pa'i dus su rta pa brgya tham pa chas las song zhig gser gyi dong rtse brgya po 'di 'khyer la/ bal po'i rgyal po la phyag rten gyi shig gser bang ba bdun po 'di 'khyer las zhu rten gyi shig gser gyi dra ba la lha'i rin po che sna tshogs kyi phra btab pa glang po che g.yogs pa 'di phul la zhu rten gyis la lha gcig zhus shig gsungs nas btang bas/ de tsa na bal po'i rgyal po khros nas mtha' 'khob kyi rgyal pos nga la brnyas re che na/ gnyen bya ba mnyam po la 'doms pa la khyod pas nga bzang / nga la chos yod de khyod la med/ khyod kyis gtsug lag khang dang dkon mchog gsum gyi rten bzhengs nus na nga'i bu mo ster/ de mi nus na mi ster/ de'i lan khyer la shog zer yong / de tsa na sgrom bu 'di phul cig de nas nged la chos la brten pa'i rgyal khrims yod de khyod la khrims med/ khrims 'cha' nus na bu mo ster/ mi nus na bu mo mi ster zer yong bas de tsa na sgrom bu 'di phyag rten du phul cig de nas yang khyod dang nga gnyis mi mnyam/ khyod mtha' 'khob kyi rgyal po la zas nor longs spyod med de dbul/ nga la sangs rgyas 'od srungs kyi ring nas deng sang bar du thab kyi du ba rgyun mi 'chad/ nor longs spyod phun sum tshogs pa yod de khyed la med pas bu mo mi ster zer yong / de tsa na zangs kyi sgrom bu 'di phul cig 'di rnams phul la phar lam dang tshur lam la jo mo khro gnyer can la gsol ba thob cig de'i mtshan nas brjod la song zhig der lha gcig spyan drangs nas 'ong gi gsungs nas thabs bslabs nas gtang ngo / /der rta pa brgya tham pas bal yul du phyin nas 'phrin pa la dong rtse rngan par byin te/ rgyal po dang mjal bar zhu zhes phyag byas pas/ rgyal po dang zhag bdun du ma mjal/ de nas rgyal po dang mjal ba'i tshe blon po mgar gyi sna drangs nas phyag gral byas te zhe sa rdzogs pa dang / rgyal po na re/ khyed rnams rtags dang dpa' lugs sam/
(can/)
su yin gang nas yong gsungs/ blon po rnams kyis lo tsA ba bar du bcug nas zhus pa/ nged mtha' 'khob kyi rgyal po srong btsan sgam po'i pho nya ba lags te gser gyi dong rtse brgya tham pa phyag rten byas/ gser gyi bang ba rnams zhu rten du phul nas/ der rgyal pos khyed ci byed gsungs pa la/ blon pos zhus pa/ nged kyi rgyal po la btsun mo med pas khyed bal po'i rgyal po la gnen 'dogs/ lha gcig khri btsun 'di rgyal po srong btsan sgam pos gzigs pas btsun mor zhu 'tshal zhes zhus nas/ de nas dra ba dra phyed glong po che khebs pa de yang rgyal po'i spyan sngar bzhag der dra ba dra phyed 'di yon tan du ma dang ldan te mi nad dang phyugs nad byung ba'i tshe 'di gon nas grong khyer gyi mtha' bskor