bas nad chad nus/ sad dang ser ba byung du dogs pa'i tshe 'di gon nas grong khyer gyi mtha' bskor na de dag mi 'byung bar 'gyur/ g.yul du zhugs pa'i tshe 'di gon pas g.yul las rgyal nus so/ /de ltar ngo mtshar che zhing 'dzam bu'i gling 'di na 'di la gong thang gdab tu mi btub pas 'di yang rin du 'bul bas/ lha gcig gnang bar zhu zhus pas/ bal po yi rgyal pos khrel dgod byas te/ rgyal po na re/ a pa brnyas pa re che/ gnyen bya ba mnyam po la 'dogs pa yin pas khyed bas nga bzang / nga'i gnyen zla khyed ma yin mod kyi/ 'on kyang khyed yong zin 'dug pas phar la song la/ khyed rang gi rgyal po la rgyal po bya ba la mchod gnas dgos pa yin/ khyed la chos med/ nga la sangs rgyas 'od srungs kyi sku ring nas sku gsung thugs kyi rten yod pas bzang / khyed kyi mchod gnas sku gsung thugs kyi rten bzhengs pa dang / de bzhugs pa'i gtsug lag khang bzhengs nus na ngas bu mo bkas gnang / de bzhin mi nus na bu mo mi ster gyis la de'i lan khyer las shog gsungs pas/ de la blon po mgar gyis khyed bal po dang bod kyi bar sa thag ring po la/ 'phrin phar skyel tshur skyel byas na nged kyi lha gcig spyan 'drongs pa'i dus mi yong / de la rgyal pos gser gyi sgron bu 'di bskur ba lags byas te phyag tu phul bas/ phyag tu bzhes nas kha phye nas gzigs pas/ bal po'i yi ge ru byung nas bklags lapas rgyal po bya ba la mchod gnas dgos pa yin khyod zer te/ khyod stod kyi rgyal po sangs rgyas 'od srungs kyi ring nas sku gsung thugs kyi rten yod de nga la med zer te/ khyod lha gcig gnang na ngas nyi ma gcig la sku lus kyi bkod pa lnga stong du sprul nas lha khang brgya rtsa brgyad bzhengs te/ sgo thams cad nub phyogs bal po'i yul la bstan la bzhag de ngo mtshar ram bya ba byung bas/ bal po'i rgyal po'i bsam pa la 'di rang bden nam mi bden/ mi bden na khyod pas nga bzang ba la brnyas bcos re che/ bden na ngas khyed mi thub ste thub par dka' ba gcig 'dug snyam nas/ yang khyed kyi rgyal po des nga la khas len che bar gda' ste/ des kyang mi phan rgyal po bya ba la khrims dgos pa yin te khrims med pas/ nged la 'di na chos dge ba bcu'i khrims gtsang ma chos dang mthun par yod de/ khyed la med/ khyed kyi chos dkar po dge bcu'i khrims 'cha' nus na bu mo sbyin/ de mi nus na mi ster gyis la lan khyer shog gsungs pa dang / de nas blon po mgar gyis khyed bal yul dang bod gnyis kyi bar du 'phrin phar skyel tshur skyel byas na sa thag ring po la nged kyi lha gcig 'drongs pa'i dus mi yong bas de la rgyal pos dngul gyi bka' sog sgrom bu 'di bskur ba lags so/ /zhes dngul gyi sgrom bu phyag tu phul bas/ phyag tu bzhes nas gzigs pas bal po'i yi ge byung bas/ rgyal po la khrims dgos pa yin te khyed la khrims med zer te/ khyed dges shing lha gcig bkas gnang na ngas nyi ma gnyis la sku lus kyi bkod pa lnga stong du sprul nas chos dkar po dge ba bcu'i khrims bca'/ de ngo mtshar ram bya ba byung / bal po'i rgyal pos snyam na/ nga bas kho thu ste lha gcig khri btsun kho la sbyin dgos/ de ma byin na khos sku lus kyi bkod pa 'di tsam sprul nas dpag drangs nas nga'i rgyal khams thams cad 'joms/ grong khyer thams