song rigs/ /spyod pa rtsing bas kla klo'i mi/ /mi grung bsrun srin po'i spyod pa mtshungs/ /mtha' 'khob ston pas zhabs ma bcags/ /'khor bzhi med pas rigs ngan yul/ /chos med ma rig mun pa'i gling / /mchod pa'i rten dang gnas med pas/ bsod nams gsog pa'i zhing ma mchis/ /de 'dra'i yul du 'gro dgos na/ /yab kyi mchod gnas yi dam lha/ /shAkya mu ne bdag la zhu/ /kha ba can ni bkres dbul yul/ /rin chen bang mdzod bdag la zhu/ /kha ba can ni grang la bsil/ /tshe gcig thub pa'i gos shig zhu/ /bod kyi mi ni mi grung ste/ /rtsing spyod che bas spyod bag med/ /g.yog mo lnga brgya bdag la zhu/ /de lta'i mi lus yul phyogs der/ /mgo nag mi rnams 'dul byed du/ /bdag gi sems bskyed ji ltar bgyi/ /yab kyis bdag la bka' bstsal zhu/ /zhes kong jos zhu tshig zhus pa las/ yab rgyal pos gsungs pa/ kye ma bu mo bdag la gson/ /bod ces kha ba can gyi yul/ /yul khams khyad 'phags de yin no/ /gangs ri rang byung mtho ba'i gnas/ /mtsho bzhi g.yu'i maNDal 'dra/ /thang bzhi mchod pa bshams pa 'dra/ /chu bzhi yul gsum rang bzhin can/ /ri mtha sa gtsang gangs ri'i ljongs/ /bkra shis nyams dga' g.yung drung bris pa 'dra/ /rgyal khams gzhan na mis rje byed pas ngo mtshar chung / /bod yul mi rje lhas byed ngo mtshar che/ /mtha' bzhi'i rgyal po kun gyis legs par 'khur/ /chos kyi rgyal po srong btsan sgam po der/ /byang chung sems dpa'i sprul pa mi drug ldan/ /yon tan dpag tu med pa'i rgyal po ni/ /'khor los bsgyur ba'i rgyal po nyid dang mtshungs/ /khong gi mdzad spyod rgya chen mnga' bas na/ /bod khams kun kyang yul du gyur po yi/ /dge slong dge 'dun dge bsnyen pha ma kun/ /khyed rang nyid kyis gsog par byas pas chog /de ltar yin pas bsod nams gsog pa'i zhing / /bdag gi mchod gnas shAkya mu ne 'di/ /sangs rgyas ston pa'i zhal skyin yin pas na/ /sangs rgyas nyid dang khyad par med par gsungs/ /gang zhig gus dang dad pas kun blangs nas/ /sems can kun la byams dang snying rje yis/ /de dag du:kha las sgrol bya ba'i phyir/ /bla med byang chub thob par bya ba'i phyir/ /rten mchog 'di la mos shing mchod byed na/ /mya ngan 'das pa'i grong khyer rab zhugs te/ /dgra bcom rang rgyal thob par the tshom med/ /srid pa'i nyon mongs las dang bral bar 'gyur/ /gang zhig ngan 'gro srid pa'i sdug bsngal yongs su bcad byas nas/ /bde 'gro mtho ris thob par rgyal bas gsungs/ /gang zhig 'jig rten bde bar 'gro 'dod cing / /phyag 'tshal mchod pa phul zhing gsol btab na/ /yid la ji ltar bsam bzhin 'byung 'gyur ro/ /mi mthun gnod pa ma lus zhi bar 'gyur/ /gang zhig 'di la dad pas phyag 'tshal lam/ /shin tu gus pas mchod par byed pa dang / /lta zhing skor bar byed pa thams cad kun/ /sangs rgyas nyid ni myur du thob par 'gyur/ /de phyir dad dang gus pas phyag 'tshal lo/ /de ltar yon tan khyad par can ldan pa/ /bdag gi mchod gnas snying dang 'dra ba yang / /bu mo khyod la brtse bas bdag gis brdzang / /rin chen bang mdzod mang po dbyig gi gter/ /bdag gi gces pa'i rin chen gter chen yang / /brtse ba'i bu mo khyod la bdag gis brdzang / /'phra men 'phrul zhal nyi zlas brgyan pa yang / /mdzes pa'i