bu mo khyod la bdag gis brdzang / /gser g.yu brtsegs pa'i yi ge chen po yang / /gtsug lag rtsis kyi yig cha sum brgya drug cu yang / /longs spyod rdzas kyi gser spyad dngul spyad kyang / /brtse ba'i bu mo khyod la bdag gis brdzang / /zas kyi sbyor kha sum brgya drug cu yang / /brtse ba'i bu mo khyod la bdag gis brdzang / /btung ba chang gi sbyor thabs mang pa yang / /brtse ba'i bu mo khyod la bdag gis brdzang / /sra ba go cha'i gon pa sum brgya yang / /brtse ba'i bu mo khyod la bdag gis brdzang / /rno ba mtshon gyi brdung thabs sum brgya rnams/ /rgyal po srog srid bsrung phyir bu mo khyod la brdzang / /gdags pa rgyan gyi rnam pa sum brgya dang / /gser sga g.yu sga 'khor can la sogs pa/ /rgyal po rgyal srid mdzes par bya ba'i phyir/ /brtse ba'i bu mo khyod la bdag gis brdzang / /za 'og stan thul seng ge bya brgyad ma/ /nyi zla 'ja' mtshon ri dwags bkra ba dang / /ljon shing shing lo nor bu'i ris su bris/ /rgyal po ngo mtshar bskyed phyir bu mo khyod la brdzang / /de ltar ngo mtshar che ba'i 'phrul cha sna tshogs dang / /gtsug lag khang khrims bcu bzhi bcad pa'i thabs/ /tshig gi mdzod dang yi ge'i gter tshogs dang / /tshig gi phul dang tsam ka la sogs dang / /lugs kyi bstan bcos mang po khyod la brdzang / /so tshigs sa yi 'dul thabs yi ge'i tshogs/ /legs sbyor spyod pa la sogs mang po dang / /bzhon she rdzi'u skyong phyugs kyi spel thabs dang / /grangs dang rtsis dang yi ge'i tshogs rnams dang / /brtse ba'i bu mo khyod la bdag gis brdzang / /rgya'i gab rtse sum brgya drug cu po/ /legs nyes ston pa'i las kyi me long yang / /brtse ba'i bu mo khyod la bdag gis brdzang / /so nam sna bzhi 'phrul gyi bya thabs sum brgya dang / /shing 'thag chu 'thag 'phrul gyi skor thabs dang / /thags ran sgrim thabs 'phrul 'khor mang po dang / /'khar 'phar chen bya brgya ri mo me tog dang / /bya ris sprin gyis brgyan pa'i ldum ris dang / /thags kyi brnams snam pa g.yu drung 'khor lo ris/ /pad ma stong ldan gsang chen rin chen 'ja' ba ris/ /thags skas len thabs khyung dang g.yu 'brug dang / /'phrul cha rnam pa sna tshogs kyang / /brtse ba'i bu mo khyod la bdag gis brdzang / /bzo'i btsem thabs khyad par sum brgya dang / /bkod pa'i khyad par drug bu tham pa yang / /brtse ba'i bu mo khyod la bdag gis brdzang / /nad rnams bzhi brgya rtsa bzhi zhi ba'i sman/ /brtag pa brgyad dang spyad lnga sbyong drug dang / /sbyor sde bzhi dang sbyar thabs sum brgya yang / /brtse ba'i bu mo khyod la bdag gis brdzang / /nyon mongs brgyad khri bzhi stong zhi byed cing / /yon tan rgya mtsho ma lus rgyas byed pa'i/ /mdo sde rgyud sde mang po'i gsung rab dang / /mi dge bcu spangs dge bcu spyod pa yi/ /bstan bcos rig pa'i tshogs rnams mang po yang / /brtse ba'i bu mo khyod la bdag gis brdzang / /rol mo rtsed 'jo thag rgyug gar mkhan dang / /sil khrol sil snyan dril bu cong rnams dang / /brtse ba'i bu mo khyod la bdag gis brdzang / /pi wang rgyud mang har chung snyan pa'i sgra/ /rtsed 'jo rol mo mang po sna tshogs dang / /der gting mar me'i spar thabs dang / /chos yang reng bu spos kyi sbyor thabs