tsha lha dbon la rgya nag ho nang hu bya ba nas rgya nag po'i sras mo gyim shing kong jo btsun mor blangs nas bod du byon pa la/ rgya'i bkra shis khri sing khri sgo nas chas nas byon dus/ dngul dkar gyi me long phyis nas gzigs pas/ sras rgyal bu 'jam 'jang tsha lha dbon te mi bu mi 'dra ba lha'i sras 'dra ba zhig 'dug par gzigs/ rgya bod sa mtshams su byon dus dngul dkar gyi me long phyis nas gzigs pas/ lha sras 'jam 'jang tsha lha dbon de chibs rta rgyugs pas chibs las lhung nas grongs pas/ mes khri lde btsug btsan ag chom bzhugs pa gzigs te/ kha ning gi lha sras 'jam 'jang tsha lha dbon de mi'i bu mi 'dra lha'i sras 'dra ba la/ da ni yab bgres po dbu skra thams cad dkar po/ zhal thams cad ni sma ra dkar pos khebs pa/ zhal gang na yod ngo mi shes pa de 'dra ba zhig gzigs pas/ der byad dang me long gi blta bya yin nam gsungs nas yar byon nas slebs tsa na/ sras rgya bu grongs nas mi bzhugs pas/ der rgyal pos lha gcig gyim shing kong jo la 'dam ka gsum gsungs pa ni/ khyod kyi khyo rgyal bu ni rta rgyugs pas bsnad nas grongs/ da khyod sa thag ring po nas yong bas/ yang na nged kyi blon po rigs bzang ba nor che ba/ pho rgod legs pa gcig la sdod dam/ yang na nga mi rgan la sdod dam/ yang na rgya'i yul du 'gro/ rgya'i yul du ldog na ni ngas rdzongs chen po byas pa gtong gsungs pas/ lha gcig kong jos rgyal po mes ag tshom rang la sdod par bdams so//
mnga' thang yang je cher song / ag tshom gyi ring la bla mchod du rgya nag ha shang spyan drangs lha khang bzhengs pa ni/ lha sa mkhar brag brag dmar 'gran bzang / ka chu/ 'chings mchims phu gnam ral/ gling gi khri rtse dang lnga bzhengs/ khri rtse mdo khams su bzhengs/ dbus gtsang du bzhi'o/ /der yab kyi blon po mchims khri thog rje 'bar dang / cog ro skyes bzang rgyal dang / sna nam gyi zhang khrom pa skyes dang gsum gyis chos rnams bsnubs/ ka chu dang mkhar brag gi lha khang bshig de gsum la dkon mchog gi bka' chad byung ste/ rgyal po chos la dad pa skyes/ der 'bangs blon po rnams kyang blo 'gyur/ sbas gsal snang mang yul gyi kha blon la btang ba ltar byas nas lo tsA bslabs te/ slob dpon bho dhi sa twa shan ta rakShi ta spyan drangs/ de tshun chad slar chos byas te/ dkon mchog gsum gyi rten btsugs/ rgya dkar nag gi lo tsA mkhas pa mang po spyan drangs/ glegs bam mang po bsgyur/ sad mi mi bdun la sogs pa brgya bzhi bcu rab tu byung ste btsun par bcug chos gra chen po btsugs/ chos gtsigs kyi rdo ring chen po bsnan/ sgrom bcu gsum gtsigs kyi yi ge bsnan/ der mes ag tshom gyis rgya'i lha sras gyim shing kong jo bzhes pa la sras rgyal po khri srong lde'u btsan gzigs so/ /'di ni sa bcu'i dbang phyug 'phags pa 'jam dpal gyi sprul pa yin te/ 'di'i ring la dpal bsam yas lhun gyis grub pa'i gtsug lag khang bzhengs/ de'i lo rgyus ni 'phags pa 'jam dpal gyis bod kha ba can gyi rgyal khams su dam pa'i chos dar zhing rgyas par bya ba'i phyir/ de yang rgyal po dbang che gcig tu sprul nas mnga' 'og tu bsdus te/ sems can gyi don rgya chen po dang bod kha ba can la don byed nus par dgongs nas/ rgya nag ri bo rtse lnga nas