chos la shin tu gnag pa las/ de la thabs ji lta bu'i sgo nas mdzad pa ni rgyal blon thams cad la dga' ston rgya chen po mdzad/ sngon rgyal mes dbon rnam gnyis kyi mdzad srol las thabs ji ltar byas pa las glengs te/ las thabs ji ltar bya ba dang / rgyal khrims chos khrims ji ltar bya ba'i bya lugs glengs pa la/ rgyal pos blon po rnams la 'dam ka btang ba ni/ shar ri rgyal po gdan la bzhugs pa 'dra ba'i rtse mor shel gyi mkhar zhang po rgyal yul mthong ba zhig brtsig dang gcig g.yas ru gtsang po zangs kyi sbubs su 'jug dang gnyis/ shod kyi je ma bres 'jal dang gsum/ has po ri zangs kyis phur phub nas gzer thams cad kyi mgo nang du bstan pa byed dang bzhi/ 'bal mo grog po gser gyis 'gengs dang lnga / yom 'bog gi thang la lha khang spa ru tsam zhig bzhengs dang drug 'dam ka btang ba las/ blon po rnams chos la gnag cing lha khang dkon mchog gi rten bzhengs par mi spro mod kyi/ gzhan rnams mi 'grub pa'i stobs kyis lha khang rtsig par 'chams so/ /de nas rgyal po'i thugs dgongs la nga'i thugs dam gtsug lag khang 'gro ba sems can gyi 'dren pa dam pa gcig bzhengs pa dpe ji lta bu zhig la blangs nas bzhengs snyam pa dang / der mkhan po bho dhi sa twa dang rgyal po gnyis glengs pas/ mkhan po'i zhal nas ro langs gser gyi sgrub pa byed pa'i phyi pa mu stegs pa'i lta ba 'dzin pa gcig gis/ ro sgrub byas pas ro grub pa dang / ro de gser du 'gro ba la/ de'i lce de shes rab kyi ral grir song nas/ de'i yu ba nas bzung bas nam mkha'/ bar snang / sa gzhi/ gling gzhan gar yang thogs pa med par 'gro bas/ de bsgrubs te gling bzhi thams cad la bltas nas/ gang legs pa'i bkod pa blangs nas de ltar dpe byas te bzhengs pa 'thad gsungs pas/ de dge tshul gcig gis mu stegs ro sgrub byed pa de la grogs por chags de bya dga' byin nas/ ro langs la dge tshul des 'dzings pas ro da'ei lce dge tshul de'i sos zin par byung bas/ de shes rab kyi ral grir song ba'i yu ba nas dge tshul gyis bzung ste/ nam mkha' la thogs pa med par song ba'i yu ba nas dge tshul gyis bzung ste/ nam mkha' la thogs pa med par song ba las gling bzhi bye ba phrag brgya thams cad bltas nas/ ri rab kyi steng na sum cu rtsa gsum gyi gtsug lag khang la dpe byas nas bzhengs pa la/ de'i sa gzhi mkhan po bho dhi sa twa shan ra rakShi tas byin gyis brlabs te/ rgyal po la khyed kyis sa rkos shig gsungs nas rgyal pos sa brkos pa dang / sa'i zhag dang sa lu mang po byung bas rgyal po'i zhal du gsol/ dbu la yang byugs so/ /de ltar btsan po dgung lo nyi shu rtsa gtsig stag gi lo la rmang bting nas bzhengs pa la/ rgyal gar yul nas mkhan po bho dhi sa twa byang chub sems dpa' de spyan 'dren pa la/ rgyal po khri lde gtsug btsan ag tshom gyi ring la bod kyi lo tsA la mnga' ba snyags dznyAn ku ma ra dri med zla shar bya ba dang g.yog po gnyis la gser phye bre gang zhu rten du phul nas byon pas sa gzhi byin gyis brlabs kyang / bod kyi lha 'dre gnod sbyin mthu bo che rnams gdug pa che bas rtsig tu ma btub pa las rgyal pos slob dpon chen po lags/ bdag gi g.yar dam dkon mchog gsum gyi mchod pa'i rten gtsug lag khang ji ltar bzhengs pas