ba 'jig byung / bar du lung bstan pa ni/ des bstan pa 'di gnas par shog ces smon lam btab/ de'i rting la/ rgyal bu byung ste/ sangs rgyas gser thub byung / de'i rting la/ rgyal bu dbang po zhi ba byung ste/ sangs rgyas 'do srungs byung / de'i rting la/ rgyal bu yul 'khor srung sangs rgyas te/ mar me mdzad byung / de'i rting la rgyal bu don grub byung ste/ sangs rgyas shAkya thub pa byung ngo / de'i rting la/ rgyal bu rigs su byung ba'i dpal byung ste/ sangs rgyas byams pa byon/ de nas seng ge la sogs pa rim gyis byung / de rnams kun gyi rting ma la gcung mos pa byung / rgyal bu blo gros mtha' yas byung ste sangs rgyas so/ /stong rtsa gnyis po kun gyis kyang bstan pa 'di tsam gnas par shog ces smon lam rnam par dag pa btab po/ /gcung mos pa la gong gi gcen po rnams kyis smras pa/ sems can gyi don la nged rnams kyis chog khyed rang sems can gyi don byed par dka' bas/ rang zhi bder sdod ces smras pas/ gcung mos pas smras pa/ sems can gyi khams zad pa med pas khyed rnams thams cad kyi bstan pa tsam zhig bdag gi bstan pa gnas par shog ces de skad smon lam btab po/ /btsun mo dam pa gtum mor yang zer/ dam pa ma smad pa'i phang du pad mo las brdzus te skyes pa khye'u chos sems dpa' phu bo sangs rgyas stong gi sku'i bdud thams cad 'dul bar smon lam btab pa ni/ dpal gsang ba'i bdag po phyag na rdo rje nyid yin no/ /de lung bstan pa'o/ /btsun mo mdzes ma dpe med pa'i phang du/ me tog gser gyi pad mo la brdzus te skyes pa ni/ khye'u chos kyi blo gros kyis/ gcen po sangs rgyas stong gi yon bdag byed pa chos kyi 'khor lo bskor bar gsol ba 'debs par smon lam btab pa ni/ tshangs pa gtsug phud can lung bstan pa yin no/ /de ltar sangs rgyas stong rtsa gnyis rnams byon pa ni sngon skye dgu'i tshe lo brgyad khri thub pa'i dus su/ de dag gi 'dul thabs kyi theg pa ji ltar gsungs pa ni de'o/ /rgyal bu lag rkyang zhes pa'i sku ring la/ dam chos lo ni bcu gnyis gnas/ /lhag ma gzugs brnyan tsam du gsungs/ /de la sangs rgyas 'khor ba 'jig byon te/ rang sems sangs rgyas su rang gis rtogs nas sangs rgyas pas/ mtshan yang sangs rgyas 'khor ba 'jig ces grags so/ /sangs rgyas de la bram ze'i khye'u dub pa med pa zhes bya bas sems bskyed pa dang / sangs rgyas des lung bstan pa ni bram ze'i khye'u khyod/ skye dgu'i tshe lo bzhi khri thub pa'i dus su zhing khams gser gyi mchod sdong brtsegs pa zhes bya bar/ rgyal bu ud pa la'i sku ring la/ sangs rgyas gser thub ces bya bar sangs rgyas par 'gyur ro/ /dam chos lo ni bdun khri gnas par 'gyur/ lhag ma 'gre'o/ zhes lung bstan te sangs rgyas so/ /yang sangs rgyas gser thub la
(bram ze khye'u nyi ma'i snying po zhes bya bas sems bskyed pa dang / sangs rgyas des)
bram ze'i khye'u khyod tshe lo sum khri thub pa'i dus su/ zhing khams skar ma bkram pa 'dra bar/ rgyal po kri kri zhes pa'i sku ring la/ sangs rgyas 'od srungs zhes bya bar sangs rgyas par 'gyur ro/ /zhes lung bstan te sangs rgyas so/ /de 'das nas dam chos lo ni gnas/ lhag ma 'gre'o/ /sangs rgyas 'od srung la/ bram ze'i khye'u skar ma'i