rtse mo'i rgyud/ hri pad ma ra garya dpal mchog dang po'i rgyud nas/ sarba mu tsa ya rtog pa bsdus pa'i rgyud dang bzhi'o/ /de rnams gsang sngags phyi'i rgyud do/ /mkhan po bo dhi sa twa dang lo tsA ba ska ba dpal brtsegs kyis bsgyur ba'o/ /rgya dpe bsam yas na gter du sbas nas yod do/ /de rnams slob dpon gnyis dang lo tsA ba ska cog gnyis kyis bsgyur ba'o/ /de nas rgyal po'i thugs dgongs la gsang sngags rdo rje theg pa'i chos tshe gcig la phyag rgya chen po mchog gi dngos grub thob pa'i chos rgya gar yul nas grub thob rnams la da rung zhu bar gtang la/ bod kha ba can 'dir grub pa thob pa 'ga' ma byung na chos la yid mi ches/ phyi rabs kyang mi 'byung bas rgya gar du chos la gajug tu gtang dgos snyam nas/ mkhan po bo dhi sa twa la bod kyi mi drug rab tu byung nas btang ba ni snubs nam mkha' snying po/ rlangs dpal gyi seng ge/ gru gung u peg sha/ ru yong sing ha ra dza/ 'bre rgyal pa'i blo gros/ ru gyong birya ra dza/ de rnams zhabs 'og nas rde'u bton nas dbu'i mchod gnas su bkur bar bka' bstsal te/ bka' la gtags nas rgya gar yul du chos 'tshol du btang ste/ gser phye bre gsum bskur nas btang ba dang / der dge slong mi drug dka' ba dang bsdos nas rgya gar yul du phyin te/ da lta rgya gar yul na gsang sngags rdo rje theg pa la grub pa thob par grags pa ji skad bya ba yod dris pas/ gser gyi brag bya skyibs can bya ba na slob dpon hUM ka ra bya ba bzhugs zer bas/ slob dpon hUM ka ra'i thad du phyin nas nye gnas so kya de ba bya ba la gser rngan par byin nas slob dpon la nged chos zhu ba yin/ khyed kyis nged rnams dang sprad dgos byas pas slob dpon skor khang rim dgu'i nang na dgongs pa mdzad cing bzhugs pas mjal du mi btub/ khyed rang rnams ngas nang du khrid kyi/ slob dpon gyi spyan sngar btsan thabs su song la gser phul la chos zhus shig gnang 'ong gi zer nas/ der bod kyi ban de mi drug drung du phyin nas phyag 'tshal gser phul nas zhus pa/ slob dpon chen po lags/ nged tsho bod kyi rgyal pos btang ba lags/ tshe 'di la phyag rgya chen po mchog gi dngos grub thob pa'i chos shig zhu bar btang ba lags pas/ slob dpon gyis gnang bar zhu/ zhu rten du gser phye bre gsum bskur ba 'di lags/ chos ma rnyed na nged rnams la rgyal pos chad pa la ske gcod du yong bas thugs rjes 'dzin 'tshal/ zhes zhus pas/ bod kyi rgyal po byang chub sems dpa'i rigs/ /chos la thugs gzhol yod yin pas/ da sngon la dbang bskur dgos gsung nas/ gsang sngags kyi rtsa ba dbang yin pas dbang ma bskur bar gsang sngags bshad du mi rung / sgrub tu yang mi rung gsungs nas zla gam drug cu rtsa brgyad kyi dkyil 'khor zhal bstan nas dbang bskur/ lha khrag 'thung lnga bcu rtsa brgyad kyis zhal bstan/ de nas zla gam lnga bcu rtsa brgyad dang / zla gam dgu pa dang / zla gam gcig pa dang / mar me bco brgyad pa dang / dpa' po gcig pa dang / dug gsum yongs sgrol dang / thig le gcig pa dang / 'bru gsum dmug chung la sogs pa rim pas zhal phye nas bstan/ bdud rtsi sman gyi rgyud gsang ba ye shes 'khor lo/ bdud rtsi mchog gi lung bam po brgyad pa/ man ngag sgron gsal la lag len yang khol/ nying khol bdud