'od ces bya bas sems bskyed pa dang / de la sangs rgyas 'od srungs kyis lung bstan pa/ bram ze'i khye'u khyod tshe lo khri thub pa'i dus su/ zhing khams skar ma'i 'od ces bya ba ru/ sangs rgyas mar me mdzad ces bya bar sangs rgyas par 'gyur ro zhes lung bstan to/ /sangs rgyas mar me mdzad la/ bram ze'i khye'u gzhon nu sprin gyis byang chub tu sems bskyed de lung bstan pa ni/ bram ze'i khye'u khyod 'jig rten gyi khams mi mjed ces bya bar/ tshe lo brgya pa'i dus su rgyal po zas gtsang gi sku ring la sangs rgyas shAkya thub pa zhes bya bar sangs rgyas nas/ dam chos lo ni lnga stong la/ /gzugs brnyan lo ni lha stong tsam/ /zhes lung bstan te/ mngon par rdzogs par sangs rgyas par lung bstan to/ /de ltar sher phyin snang ba'i mdo dang / gsang ba bsam gyis mi khyab pa'i mdo dang / bskal pa bzang po'i mdo las 'das pa'i sangs rgyas rabs bzhi bshad pa de dag go /rabs bdun byon par bshad pa ni/ dbyig ldan gyi mdo dang / dgongs 'dus dang / stong chen rab 'joms dang / gser lung mthun pa'i mdo las/ sangs rgyas 'khor ba 'jig bram ze'i khye'u bsam brjod yon tan 'byung gnas zhes bya pa/ grong khyer stong nyir ldan du tshe lo brgyad khri'i dus na skye ba bzhes te/ chos kyi ming stong nyid rnam par 'byed pa zhes bya bar shir sha ka ta la'i shing drung du mngon par rdzogs par sangs rgyas nas 'khor ba bshig go /de'i rjes su 'jug pa'i gang zag kyang 'dus byung nas/ 'phags pa'i sa la rim pas sbyar/ ston pa 'das nas sku gdung dang bstan pa rjes su bzhag go /bstan pa de byang chub sems dpa' rnams dang / nyan thos rnams kyis rim pas bskyangs nas/ mthar rang sangs rgyas rnams kyis 'gro don mdzad do/ /de 'gre'o/ /'khor ba 'jig gis thams cad skyob lung bstan te/ tshe lo bdun khri thub pa'i dus su/ thams cad skyob bram ze'i khye'u yid las skyes zhes bya bar dkar sna'i grong khyer du skye ba bzhes te/ chos kyi ming ni khams kyi mdo sde zhes pa puN Da ri ka'i shing drung du mngon par rdzogs par sangs rgyas so/ /'khor ba'i sdug bsngal thams cad skyob pas thams cad skyob ces bya bar lung bstan to/ /log par dad sel/ tshe lo drug khri'i dus su/ bram ze'i khye'u me tog zla mdzes zhes bya bar skyes pa na/ chos kyi ming gsang ba dam zhes bya bas phyin ci log la dad pa bsal nas/ log par dad sel du lung bstan to/ /sangs rgyas des lung bstan nas tshe lo sum khri'i dus su/ gser thub bram ze'i khye'u ral pa med ces bya bar skyes pa na/ chos kyi ming bdud rtsi mi 'gyur bar thub pas gser thub ces bya bar lung bstan to/ /de nas u dum 'bar ba'i shing drung du sangs rgyas te/ tshe lo nyi khri'i dus 'od srungs bram ze'i khye'u nyi ma'i snying po zhes bya bar skyes pa'i dus su/ chos kyi ming me long dam pa zhes bya bas/ stong rig gi shes pa de/ 'khor ba dang mya ngan las 'das pa rang bzhin med par 'od srungs shig rgyal rigs wa ra Na si ru na?ya gro ta'i shing drung du mngon par rdzogs par sangs rgyas te/ des lung bstan pa ni/ mar me mdzad bram ze'i khye'u skar ma'i 'od ces bya bar skyes pa na/ chos kyi ming snang mdzad sgron ma zhes pas/ rang gi don du ma rig pa'i mun pa gsal bas/ 'gro