ba sems can gyi don mdzad pas/ mar me mdzad ces lung bstan/ mar me mdzad kyis lung bstan pa ni/ 'dzam gling gser gyi chu bo dang ldan pa zhes bya bar shAkya thub pa bram ze'i khye'u rang gsal zhes bya bar skye ba bzhes pa'i tshe/ chos kyi ming sems can gyi sdug bsngal zhi bar byed pa'i bdud rtsi zhes bya bas/ log rtog gi bdud rnams yang dag pa'i bdud rtsir bsgyur nas phyin ci log par rtog pa dang rigs phye nas yang dag pa'i don thugs su chud nas/ tshe lo brgya pa'i dus su a sha ta'i shing drung du mngon par rdzogs par sangs rgyas so/ /de ni rgyal rigs brtson 'grus can du sangs rgyas pa shAkya tub pa zhes lung bstan to/ /de yang sangs rgyas 'khor ba 'jig sku 'khrungs pa'i yul ni/ rgyal po'i pho brang grong khyer bzang po zhes bya'o/ /gdung ni dkar sha pa zhes bya'o/ /'od ni dpag tshad gcig go /yab ni mchod sbyin zhes bya'o/ /bskyed pa'i yum ni tshangs gsal ma zhes bya'o/ /sras ni bla ma zhes bya'o/ /rim gro pa ni blo rdzogs zhes bya'o/ /shes rab can rnams kyi mchog ni dge slong mkhas pa zhes bya'o/ /rdzu 'phrul can rnams kyi mchog ni bsnyen pa zhes bya'o/ /'dus pa dang po la ni dge slong bzhi khri'o/ /gnyis pa la ni bdun khri'o/ /gsum pa la ni nyan thos drug khri'o/ /sku tshe'i tshad ni lo bzhi stong ngo / /dam pa'i chos ni lo brgyad khri'i bar du gnas so/ /sku gdung ni ril bu gcig tu 'dug go/ /mchod rten yang gcig tu zad do/ /de bzhin gshegs pa gser thub skye ba'i yul ni/ grong khyer lnga pa zhes bya'o/ /rigs ni bram ze'i rigs so/ /'od ni dpag tshad phyed do'o/ /yab ni mes byin zhes bya'o/ /yum ni bla ma zhes bya'o/ /sras ni rnam par rgyal ba zhes bya/ rim gro pa ni bkra shis ldan zhes bya/ shes rab can gyi mchog ni mchog ma zhes bya/ rdzu 'phrul can gyi mchog ni rgyal ba zhes bya'o/ /'dus pa dang po la ni dge slong bdun khri'o/ /gnyis pa la ni drug khri'o/ /gsum pa ni lnga khri'o/ /sku'i tshe tshad lo sum khri'o/ /dam pa'i chos ni lo stong gi bar du gnas/ sku gdung ni ril bu gcig tu 'dug go /mchod rten yang gcig tu gnas so/ /de bzhin gshegs pa 'od srungs skye ba'i gnas ni mdzes ta na'o/ /rigs ni bram ze'o/ 'od ni rgyang grags gcig go /yab ni tshangs sbyin no/ /yum ni nor bdag ma'o/ /sras ni ded dpon zhes bya'o/ /rim gro pa ni kun gyi bshes gnyen no/ /shes rab can gyi mchog bha sha dha tsha'o/ /rdzu 'phrul can gyi mchog ni skar rgyal lo/ /'dus pa dang po la ni/ dge slong nyi khri'o/ /bar ma la ni brgyad stong ngo / /gsum pa la ni khri drug stong ngo / /sku'i tshe'i tshad ni lo nyi khri'o/ /dam pa'i chos ni bdun khri'i bar du gnas so/ /sku gdung ril po gcig go /mchod rten yang gcig tu gnas so/ /sangs rgyas shAkya thub pa 'khrungs pa'i yul ni ser skya'i gnas so/ /rigs ni rgyal rigs so/ /gdung ni gau ta ma/ 'od ni 'dom gang ngo / /yab ni zas gtsang ma'o/ /yum sgyu 'phrul ma'o/ /sras ni sgra gcan 'dzin/ /rim gro pa ni kun dga' bo/ /shes rab can mchog ni nye rgyal lo/ /rdzu 'phrul can gyi mchog pang nas skyes so/ /'dus pa dang po la ni dge slong stong nyis brgya lnga bcu'o/ /sku tshe'i tshad ni lo brgya'o/ /dam pa'i chos ni lo lnga brgya'i bar du gnas