ma ru/ lha mo'i rgyud gsum dang / spu gri rnam gsum sbas/ shar kong bu chu mthar legs kyi lha khang du/ mthu dang rdzu 'phrul sbas/ g.yo ru khra 'brug tu/ ngan sngags bcu gsum sbas/ lho brag kho 'thing du/ bde gshegs 'dus pa sbas/ mdos dang ma mo sbas/ stag tshang seng phug tu/ drag sngags ngan sngags sum cu sbas/ mon kha na ring du spyi te yo ga dang / reg gcod bzhi po sbas/ sgregs kyi yang rdzong du phur pa thams cad dang / gshin rje thams cad sbas/ pho ma rdzing phug tu bsi mo'i ngan sngags dang / gsang ba'i phur gcig sbas/ yang phug ring mo ru/ klu bdud spu gri dang / smug mo'i snying thun sbas/ gtsang gi phung po ri bo cher/ gshin rje tshe bdag dang / cog brtungs nyi shu rtsa gcig sbas/ ri dang brag dang gnyan sa thams cad du/ gter phran brgya rtsa brgyad sbas/ las can re dang 'phrad par 'gyur/ gter kha 'di rnams dbyungs pa'i dus ni/ zas ngan lci ba za ste/ chos skor 'joms sing dben gnas 'jig bka' la nyo tshong byed cing mi bsad stong du 'jal/ gos ngan re ba gyon te las su dme 'khrug byed/ lus la lcags cha gyon/ gnas brtan dmag dpon byed cing dge slong gri ru gsod/ gnas la 'thab ra 'cha'/ dben tsha grong dkyil mkhar la 'cha'/ sngags pa rdo rje dme 'thab byed/ zas ngan dug gi sbyor ba byed/ dpa' bo rdo gtan byed/ shar ba mda' gtan byed/ gtso bo rgyab rten mna' za/ bod khrab rgya bye rgyun chad pa ltar sil bur song nas/ pha dang bu mi 'cham/ spun dang pha spun 'khrug pa byed/ dgra blar btsan dang gnod spyin 'dre 'bod/ ar pas lam 'phrang bsrungs shing 'joms / de'i dus su bod thams cad kyi snying du 'dre dang 'gong po zhugs/ byis pa'i snying la the brang 'jug bud med snying du bsen mo 'jug lha ma srin sde brgyad dang / snang srid lha 'dre thams cad 'khrugs pas/ nad dang mu ge dang / 'khrug pa'i bskal pa 'byung / de'i dus su ma thub pa gsum 'byung ste/ sa yis rin chen gter ma thub ste/ chos gter nor gter 'byung / gser dngul rin po che'i kha bye/ chos skyong gis gtad pa'i gnyer ma thub ste/ dge 'dun gyi nor la rku 'phrog byed/ chos pas bsgrubs pa'i chos ma thub ste/ rang mi sgrub par gdams pa zab mo zong du 'tshong / rang la nyams len med par mi gzhan la bshad 'dod/ dus ngan de lta bu gcig byung tsa na/ mnga' bdag rgyal po nyid skye ba bcu bdun brgyud pa'i tha ma la 'di nas lho nub mtshams na yuul rta ro dmar po kha phye ba 'dra ba zhig gi nang na/ skyes bu 'brug lo pa shes rab dang snying rje che ba brtson 'grus che la sgrub pa la brtson pa/ dam tshig gtsang zhing rlom sems chung ba/ khong yangs shing kha nyung ba/ rgyud zhi la gzhan la sgro skur mi 'debs pa/ rig pa myur zhing yid gzhungs pa/ mdog dkar la ngang rgyud ring ba/ skye bu de lta bu zhig tu skyes nas/ rgyal po nyid la ngas da lta gdams pa thams cad dang 'phrad nas skye ba de sa rgyun gcod par 'gyur ro/ /rgyal po nyid kyis spa gor bai ro tsa na dang / snubs nam mkha'i snying po dang / chos kyi bdag po thengs re spyugs pa'i dam tshig gi sel dang las 'bras kyis/ chos la mi rnams yid mi ches/ chos 'brel gang che ba thams cad snang ba thengs re ldog tu 'ongs bas/ de'i dus su nga'i bka' bzhin