gor bai ro tsa na dang / /snubs nam mkha'i snying po dang / /a tsarya ye shes dalapal dbyangs kyis/ /rje'i rgyal khrims bsrung ba'i phyir/ /drag sngags ngan sngags bsgyur ba ni/ /rgya gar skad dang u rgyan skad/ /sing nga'i skad dang sa la'i skad/ /li'i skad dang bal po'i skad/ /za hor skad dang bhe ta'i skad/ /ma ru tse'i skad dang rgya nag skad/ /kha che'i skad dang gru gu'i skad/ /tho gar skad dang zangs gling skad/ /gser gling skad dang srin po'i skad/ /rta shang skad dang bod kyi skad/ /skad rigs mi 'dra mkha' 'gro'i brda' skad bsgyur/ /gnod sbyin pho mo mang po'i skad du/ /'phrul 'khor bsdebs nas gsang sngags mang po bsgyur/ /bha ta hor gyi sgom gra bcom nas ni/ /mgo nag dpe har bos nas bsam yas kyi/ /lha 'dre mang po gter gyi srung mar bskos/ /tshe gcig sangs rgyas sgrub pa'i dam chos mang po bsgyur/ /rgyal po g.yengs pas nyams su mi len par/ /las kyi 'phro bzhag skye ba bcu bdun du/ /brgyud pa'i mtha' mar rgyal nyid dang 'phrad par shog /ces gter du sbas so/ /gsang sngags drag sngags mang po rnams/ /skal ldan 'ga' la gter du sba bar bya/ /de yang glang lug gi 'brug gshed bzhi'i lo/ /srog gi lag yin bton kyang srog mi 'chad/ /de bzhin ma yin gter gyi dbang skal med/ /gal te thon kyang myur du brlag par 'gyur/ /da lta rgyal khrims gnyan pas srog ser thog mi dgos/ /dus ngan 'byung dus dgos pas skal ldan rnams la bzhag /las can rnams la rgya yis btab la bzhag /ces gsungs te/ yang rje mnga' bdag gis gsungs pa/ e ma ho/ slob dpon chen po lags/ slob dpon mngon shes mnga' bas phyi ma ci 'byung mkhyen/ /gter du sbed na gang du sbed/ /bdag skye ba len na gang du len/ /chos dang 'phrad na gang ltar 'phrad/ /slob dpon bka' lung bstsal du gsol/ /zhes zhus pas/ slob dpon dang rgyal pos chos dang ngan sngags rnams lho gter du sbas so/ /gter kha brgya dang rtsa brgyad du sbas so/ /de yang sbas lugs ni/ dbu rtse rigs gsum gyi gter mdzod re re ru/ /rgyal po'i bla gter du sbas so/ /chos kyi gter mdzod yin/ khyad par gling gsum du/ bu tshal gser khang gling dang / khams gsum zangs khang gling dang / dge rgyas bye ma gling du jo mo gsum gyi gter mdzod/ bla gter re re sbas/ yakSha ltag 'ong tu/ gter kha re re sbas/ dpe har gling dang mgon khang bzhir mthu gter phal cher sbas/ phyogs bzhi'i mchod rarten bzhir/ dkar por chos gter sbas/ nag por mthu ster sbas/ sngon por bzo yig sbas/ dmar por sman yig sbas/ mchims phu yang dben du slob dpon thugs dam gyi gter mdzod chen po sbas/ bre gu dge bu yang mdzod gsang sbas/ lho skyer chu'i lha khang du rgyud 'dod pa 'byung ba dang / sde snod kun 'dus dang / bum thang rtsi lungs su sems phyogs thams cad sbas/ bum thang dge gnas su ma mo 'dus pa dang / mo rgyud thams cad sbas/ gtsang 'gram lha khang du gshin rje dmar nag dang / ngan sngags brgya rtsabacu sbas/ byang spra dun rtse dang / skyaun dun rtse ru/ ngan sngags brgya rtsa brgyad sbas/ g.yas ru gtsang 'gram du/ chos sman rtsis rin chen rnam gsum sbas/ rtsis kyi lha khang du rgyud lung man ngag sbas/ smyug gi lha khang du/ srog gi thig le sbas/ khams kyi klong thang sgron