byed na/ yul gyi snying por chos kyi dbyings bzung la pha yul spongs/ gnas kyi snying por nags khrod dgon pa rten la khang khyim spongs/ dgon pa'i snying por sems nyid stong gsal brten/ khang po chos dbyings rgya chad med par sdod/ tshang bang snying por dran pa shes bzhin bzung la dge sbyor yo lang gyis/ mdzod kyi snying por kun gzhi byang chub sems la sku gsum nor rdzas gsog so nam snying por lus ngag yid gsum tha mal ma sdod chos spyod gyis/ gros kyi snying por bde gshegs bka' dang bla ma'i zhal la dris/ pha'i snying por snying rje kun tu bzang po khur la snying rje zung / ma'i snying por byams pa kun tu bzang po khur la 'gro ba bu bzhin skyongs/ chung ma'i snying por ting 'dzin bde gsal sgoms la mi 'bral 'grogs/ bu'i snying por bla ma'i gdams ngag dpe char bris la lta rtog gyis/ zhing gi snying por dad pa'i zhing sa skyed la chos dang ci mthun gyis/ 'khor gyi snying por ma sring dan can brten la mchod/ zas kyi snying por chos nyid bdud rtsi skye ba med pa zo/ skom gyi snying por bla ma'i gdams ngag zhal gyi bdud rtsi ngoms par 'thungs/ gos kyi snying por dbang dang dam tshig nod la lus ngag yid gsum smin par gyis/ ltad mo'i snying por ting 'dzin 'phro 'du gyis la rig pa rtsal sbyong gyis/ longs spyod snying por sgrub pal gyis la chos spyod lam rim slobs/ dgra lha'i snying por ye shes lha la mchod pa rgyun dun phul/ mchod gnas snying por rdo rje slob dpon khur la kun tu spyi bor sgoms la gsol ba thob/ las kyi snying por dpe cha bris la gang la gang 'dod byin/ me long snying por dam pa'i chos la ltos la gsol 'debs gyis/ lha khang snying por rang gi sems la rtsigs la yi dam sgoms/ rgyan gyi snying por snying rje sems la 'khod la snying rje phyogs ris med par gyis/ chos nyid snying por stong nyid spros bral ma bcos ngang la zhog dam tshig snying por rang sems sgyu med gyis la sems nyid gtsang sar thon/ man ngag snying por rgyud la zol med tshol la snyan rgyud sgoms/ dkyil 'khor snying por dgongs pa 'gyur med chos nyid ngang la zhog lta ba chos sku 'gyur med ltos la rang ngo shes par gyis/ sgom gyi snying por skye med chos dbyings sgoms la brtan par gyis/ spyod pa'i snying por blang dor med lapar spyod la chags med zhen med gyis/ 'bras bu'i snying por sku gsum thob par gyis la rang las gzhan ma 'tshol/ de ltar byas na mnga' bdag nyid skye ba des mjug gcod/ nub phyogs bde ba can gyi zhing khams su pad ma la brdzus te skyes nas sangs rgyas par 'gyur ro/ /zhes mnga' bdag la lung bstan no/ /gter cos sbas lugs dang mnga' bdag lung bstan pa'o/ /bdag 'dra pad ma 'byung gnas kyis/ /sngon gyi las kyi 'phro mthud nas/ /sum stong lnga brgya lon nas bod yul dbus su 'ongs/ /lnga bcu rtsa gcig bod yul dbus su bsdad/ /rgyal po khri srong lde btsan gyi bka' lung bsgrubs/ /bod kyi 'dre srin lha srin thams cad btul/ /dpal gyi bsam yas lhun gyis grub pa de/ /rgyal pos stag gi lo la rmang bting nas/ rta'i lo la thugs dam bsam bzhin 'grub/ /chos kyi rgyal pos bstan pa rgyas par byas/ /glang gi lo la rgyal lnga bcu rtsa drug bzhes/ /de las rgyal po'i sku tshe med pa la/