/sku'i rim gros bcu gsum sku tshe bsrings/ /drug cu rtsa dgu stag gi lo la dgung du gshegs/ /bdag ni 'di ru mi sdod do/ /sgrub pa'i gnas gcig 'tshol du 'gro/ /gsungs nas/ mchims phur yang dben du zla gsum zhag gsum bzhugs/ brag dmar rdzam phug gling du zla gsum zhag gsum bzhugs/ brag dmar g.ya' ma lung du zla gcig zhag gcig bzhugs/ sgrub khang zla gam dmar kapor lo gsum zla ba gsum zhag gsum bzhugs/ sgregs kyi yang rdzong du/ zla lnga zhag lnga bzhugs/ mon kha ne ring du zla gcig zhag gcig bzhugs/ mon kha brag mtha' khra mor zla ba lnga zhag dgu bzhugs/ mon mgon brag phug tu zla ba gcig zhag bdun bzhugs/ mu tig shel gong du zla gcig zhag bcu bzhugs/ yar lungs shel phug tu zla ba gcig zhag gsum bzhugs/ sgregs kyi yang rdzong shel phug tu zla ba gsum dang zhag bcu bzhugs/ zungs mkhar rdo rje'i mchod rten rdzong du zla ba gcig zhag gsum bzhugs/ lho brag mkhar chur zla gcig zhag bcu bzhugs/ brag phug de rnams kyang sgrub gnas khyad par can du byin gyis brlabs/ bod yul thams cad sku'i zhabs kyis bcags/ phyi rabs skal ldan rnams la chos gter mang du bzhag nas sbas/ kha byang yang byang snying byang don byang lde mig rnams so sor bzhag go/ /las can re'i don 'grub 'gyur/ las can de dang 'phrad par shog skal ldan gcig gis rnyed par shog de skad ces ni smon lam btab/ gter rgya/ sbas rgya/ gtad rgya/ zab rgya/ rtsis rgya phal cher btab ste bzhag go/ /sbas so gter du sbas/ zab pa dam du chongs zhes gdams so/ /dus phyi ma gter dang 'phrad pa'i gang zag rnams la/ gdams ngag zhal gdams su bzhag pa/ dus kyi phyi ma la nga'i chos dang 'phrad nas spyod pa'i gang zag rnams kyis/ man ngag 'tsho ma shes na 'phral rkyen 'ong bas gsang thub par gyis shig man ngag ngoms sngas na phrag dog skye/ zhal gyis skur ba dang ngan yong bas sgrub pa rtags thon cig khengs grags dang 'byor ches na/ tshul ngan pa yong bas mthu dang chos su ldan par gyis shig dam tshig sa gzhi ltar ma nyams par srungs/ dam tshig nyams na bkra mi shis shing dmyal bar 'gro/ sgom pa ni gser phur ltar tob cig goms pa ma brtan na byed lo'i chos kyis brtan pa mi thob/ spyod pa gdengs rang chas par spyod cig tshul 'chos lo 'dod kyis snang ba mi thul lo/ /man ngag gter ltar sbos shig spel drags 'acal nas rtsis mi 'ongs/ sgom sgrub gang byas kyang rtsad bla ma la chod cig bla ma'i rgyud pa med na chos la byin rlabs mi 'ongs/ lta spyod rtsing na bar gcod lhung ba yong / lta ba kha 'byams su ma gtor zhig spyod pa bab col du ma spyod/ chos kyi mtha' ni dam tshig dang rtogs pa dang snying rje la thug go/ /rang dam tshig gtsang du srung la gzhan snying rjes zungs shig chos rang gi grub rtags ma thon kapar gzhan la ma shod/ ma byin gzhan yid mi ches/ chos la byin rlabs mi 'byung ngo / /gdams pa dang chos dus gcig la rdzogs par ma byin cig chos khyer nas 'brel ba gcod pa mang bas snod brtag pa gces so/ /gter gyi chos 'di shin tu zab pas gzobs la spyod cig de ltar gzhung bzhin byas na/ byin rlabs ni shugs kyis 'ongs/ sangs rgyas ni rang la rnyed/ dgos rgu mi yis sgrub/ bkur sti gzhan gyis byed/ 'tsho ba lhas sbyor/ bsam