ma rnams yi re mug /nga 'gro rgya gar yul la 'gro/ /rang sems sangs rgyas don rtogs na/ /su dang mthun rung ma thun rung / /ces kyang de la gto ba med/ /phyi ma bde 'gro mtho ris 'gro/ /nga 'gro rgya gar yul la 'gro/ /nga 'gro srin po 'dul du 'gro/ /grub pa brnyes pa'i rnal 'byor pa/ /mnyam bzhag rjes thob med par 'gro/ /slob dpon pad ma bod kyi rgyal po dang / blon po/ dge bshes/ btsun pa/ sngags pa/ bon po/ sman pa/ gtso bo/ nya ma/ skyes bu/ bud med rnams la thugs chad pa'i lo rgyus so/ /de nas slob dpon pad mas bod kyi rgyal po rnams la zhal ta bzhag pa/ bsod nams ldan pa bod kyi rgyal po rnams/ /rgyal po nyung na zhen nyen pas kha gzhi skyungs/ /rgyal po mang na 'bangs dang zla mi bya/ /zungs thub gzobs la rab tu brtan par bzhugs/ /thugs ches nang blon bka' gros dris pa la/ /dgos don thugs tshod lhug par gsung bar gyis/ /srid la gnod pa'i gros ni mnyan mi byas/ /khri zhing gtum par mi bya zhi dul bsgom par bya/ /rtsis dang bya dga' blon po mdzangs kyang ni/ /ha cang ma che ran tsam mdzad na legs/ /blon po 'dod pa che zhing rig pa med/ /srid kyi mkhar ni 'jig pa'i nen mchis so/ /rgyal khrims gal la bab pa'i dus su ni/ /dkor la mi phangs sdig la mi 'dzem mdzod/ /rgyal khrims nyams na rgyal po gya ba yin/ /bsgyur ba mi sla snan khung 'thug pa dang / /phyed tsam khong du bsad la khong pa bskyed/ /srid kyi chu mtha' ring bar bstod mchi yi/ /btsun mo rnams dang bud med gzhan dag la/ /'dod chags phyir ni thugs la btags drags na/ /nga khyod bsre zhing bzang ngan med par 'gro/ /yid ches med pa'i mi la thugs mi gtod/ /legs par mi 'ongs rang srog 'phung nyen yod/ /phyi 'khor zhi bas skyongs la nang 'khor zas kyis skyongs/ /phyogs ris 'bangs la bka' nan mnyam snyoms mdzod/ /gtsug lag khang dang lha khang mchod rten rnams/ /bsod nams che ste tha ma sdig pa'i rgyu/ /dam chos bsgyur la zhu tig dag par mdzod/ /lan gcig dus na bka' la tshad mar 'dzin/ /dkon mchog gsum la spyan ltar gces par mdzod/ /theg pa'i chos la gzhung lugs re re yod/ /kun gyi sgo nas 'bras bu thob med kyang / /gsang sngags rdo rje'i theg pa dang du longs/ /bang so bzhugs gnas mang po phung ba'i nyen/ /thugs srab ma mdzad brtan zhing lhun chags bzhugs/ /jomo jo chung rnams kyang srid kyi gzhi ma yin/ /kho yangs che la theg pal che bar mdzod/ /zas la yengs la lag byad bzang bar mdzod/ /lus tshugs thub cing bca' bsdar tho bar mdzod/ /g.yem la ma 'phyar spyod lam dul bar mdzod/ /smra ba ma mang ngag 'jam zhe sa bsrings/ /pyi 'khor nang 'khor zas dang snyan pas skyongs/ /lha sras lcam dral rnams kyang chos la btsud na legs/ /'dir btsun phyi mar lha mi'i go 'phang thob/ /pad ma 'byung gnas bdag ni da 'gro bas/ /da ltar bzhugs dang slad kyis 'byon pa yi/ /mnga' bdag rgyal po'i thugs la de ltar zhog /ces gsungs pa ste/ rgyal po rnams la zhal ta bzhag pa yin/ /slob dpon pad ma 'byung gnas gshegs pa'i dus su bod kyi blon po rnams la gsungs pa/ bod kyi rgyal po'i blon po byed pa rnams/ /rje'i sku'i rim gror lus ngag yid gsum gus par gyis/ /nang gi khab so jo mo'i zhabs thog gyis/ /spyi'i chab srid