pa yid bzhin 'grub/ sangs rgyas kyi rgyud bzung / chos don dang ldan/ dge 'dun gyi rten 'grub/ sangs rgyas kyi rgyud bzung / chos don dang ldan/ dge 'dun gyi rten tshugs/ bstan pa dar zhing rgyas par bya ba yin no/ /de ltar ma byas nas chos nyams su ma blangs par gzhan la spel/ mi ngo nor ngo zas ngor bgatang na/ sangs rgyas kyi bla brjo/ chos kyi rkad 'dren/ dge 'dun gyi ngan dpe/ sdig pa'i ded dpon/ dmyal ba'i gros mkhan/ rang don med par byas nas/ mi lus rin po che chud gzon pa yin no/ /nga'i gter gyi chos 'di rnams shin tu gnyan pas 'tsho shes par gyis shig ces gsungs so/ /slob dpon pad ma 'byung gnas kyis/ bod kyi sgrub gnas byin gyis brlabs pa dang / sa gzhi zhabs kyis bcags pa dang / zhal gdams gnang ba'i lo rgyus chos 'byung lags so/ /de nas slob dpon pad ma 'byung gnas srin yul lang ka pu ri nag po bya ba 'dzam bu gling sog ka'i yu ba la/ srin yul yod pas/ de o rgyan dang thag nye bas srin pos mi gsod du 'ongs pas/ srin po 'dul zhing / srin po'i so kha bsrung bar thugs kyis dgongs nas/ bsam yas nas bzhud par chas pa la/ lha sras mu tig btsan po rgyal blon dang / bod kyi rab byung / dge bshes/ sngags pa/ bon po/ lha rje/ rnal 'byor pho mo/ gtso bo/ skyes bu/ bud med la sogs pas/ slob dpon la bzhugs par zhu ba phus yang / slob dpon bzugs par ma gnang ngo / /bod la thugs chad pa'i mgur bzhes pa/ bdag 'dra pad ma 'byung gnas kyis/ /sngon gyi las 'phros bod du 'ongs/ /khri srong lde btsan bka' lung mnyan/ /bsam yas lhun gyis grub pa bzhengs/ /da ni bod du mi sdod de/ /bod kyi mi dang bdag mi mthun/ /rgyal khrims chos khrims mi skyong bar/ /blon po chos med kyis kha lo bsgyur/ /bod kyi rgyal po dang nga mu mthun / /sdig spyod rgyal po la yi te mug /nga 'gro rgya gar yul la 'gro/ /tshig dang don du mi sbyor ba/ /bod kyi ston chen dang nga mi mthun/ /tha snyad mkhan la yi re mug /nga 'gro rgya gar yul la 'gro/ /'dul khrims gtsang mar mu srung ba'i/ /bod kyi btsun pa dang nga mi mthun/ /zhi gnas mkhan la yi re mug /nga 'gro rgya gar yul la 'gro/ /mnyam bzhag rjes thob mi bsre ba/ /bod kyi sgom chen dang nga mi mthun/ /zhi gnas mkhan la yi re mug /nga 'gro rgya gar yul la 'gro/ /dam tshig gtsang mar mi srung ba/ /bod kyi sngags pa dang nga mi matun/ /dam nyams tsho la yi re mug /nga 'gro rgya gar yul la 'gro/ /lha rabs gtsang mar mi mchod pa/ /bod kyi bon po dang nga mi mthun/ /'dre chos mkhan la yi re mug /nga 'gro rgya gar yul la 'gro/ /bzhi brgya rtsa bzhi mi 'chos pa/ /bod kyi sman pa dang mi mthun/ /mi yi che skyong mkhan la yi re mug /nga 'gro rgya gar yul la 'gro/ /sbyin pa phyogs med mi gtong ba/ /bod kyi yon bdag rnams dang nga mu mthun/ /g.yo sgyu mkhan la yi re mug /nga 'gro rgya gar yul la 'gro/ /mi chos lha chos mi bsre ba/ /bod kyi gtso bo rnams dang nga mi mthun/ /'dun ma mkhan la yi re mug /nga 'gro rgya gar yul la 'gro/ /dad pa dang saanying rje mi bsre ba/ /nya ma rnams dang nga mi mthun/ /kha ta mkhan la ye re mug /nga 'gro rgya gar yul la 'gro/ /dkon macog dang bu khyo mi bkur ba/ /bod kyi bud med dang nga mu mthun/ /srin mo gson