gros dang mdun mas skyongs/ /'bangs kyi so tshis sha tsha brtse bar gyis/ /blon po'i sku gnyer rje'i bka' blon gyis/ /rgyal khams bde la 'god cing rgyal khrims dam par 'abha'/ /dkon macog gsum gyi rten tshugs theg chen chos grwa tshugs/ /rgyal khams gzhung lugs so kha dam par srungs/ /byams sdang ngo shes legs nyes don la rtogs/ /sngar gros mi zhan legs nyes sems pa dang / /phyis nas 'gyod pas mi phan thal zin 'chos mi btub/ /ci la'ang dang po bsams na phyis nas 'gyod pa chung / /chos la gnas shing dad pa che la dkon mchog mchod na chos blon yin/ /gros mkhas rig pa che la legs nyes lde'u mkhas pa mdzangs blon yin/ /dpa' la zungs thub dgra bo thabs kyis 'dul na dpa' blon yin/ /khong 'dug zhe gnag 'brid pa'i thabs la mkhas na blon po 'jigs/ /rgyal po'i rgyal srid legs nes shes na blon po mdzangs/ /legs par rtog dpyod gyis la rgyal po'i chab srid skyongs/ /pad ma 'byung gnas bdag ni da 'gro bas/ /da ltar bzhugs dang slad nas 'byon pa yi/ /blon po rnams kyi thugs la de ltar zhog /ces blon po rnams la zhal ta gsungs pa'o/ /de nas slob dpon pad ma 'byung gnas gshegs pa'i dus su rab byung btsun pa rnams la zhal ta gsungs pa/ thar pa'i lam la gshegs pa'i rab byung btsun pa kun/ /mi chos nang nas lha chos nang du zhugs/ /pha ma gnyen bshes spangs nas chags med dam cos byos/ /skra bzhar chos gos gon nas bstan pa'i rab byung byos/ /makan po slob dpon khrims mdzad dge 'dun byams sems can/ /'dul khrims bslab pa'i rim pa ma nyams bsrung bar mdzod/ /zhu gnang bcas dang lhung bzed bkru la sogs/ /mkhan slob dge 'dun bgres pa rnams bya ba dang / /maNDal chag chag byi dor bya ba dang / /mchod pa la sogs mdzes pa'i bkod legs bya/ /srod dang tho rangs mi nyal dge sbyor gyis/ /sha chang lkog pa mi bza' gtor ma chos spyod gyis/ /'dul khrims nyes pa bshags shing gso sbyong bya/ /bslab pa shing bzung la pham ltung spang bar bya/ /dge 'dun chos grwar 'dug la khyim pa'i yul grong spongs/ /bud med ma dang sring mo ma yin brten mi bya/ /kun gyi mchod gnas yin pas kha na ma mtho spongs/ /de ltar byas na 'dir bde phyi mar lam sna zin/ /'khor ba spongs pa'i rab byung btsun ma rnams/ /las ngan skye ba dman pas mkhas btsun blos mi gcog /skyes pa'i 'khri ba chod la 'dul khrims gtsang mar srungs/ /khyim pa'i grong du ma 'gro phog pa'i sdom pa srungs/ /btsun ma log na 'di med phyi ma dmyal bar 'gro/ /sems bskyed gyis la sbyin pa brtson par thongs/ /pad ma 'byung gnas bdag ni da 'gro bas/ /da ltar bzhugs dang slad nas 'byon pa yi/ /btsun ma rnams kyi thugs la de ltar zhog /gsungs pa ste slob dpon gshegs khar rab byung btsun pa dang btsun ma rnams la zhal ta gsungs pa'o/ /de nas yang slob dpon pad ma gshegs pa'i dus su/ dge bshes rnams la zhal ta gsungs pa/ mkhas shing che ba'i bod kyi dge bshes rnams/ /slob dpon bla ma mkhas shing che ba la/ /'dri klog nyan dang bsam brjod kyis/ /sde snod gsum dang gsang sngags la/ /theg pa'i chos kun mkhas par slobs/ /mi shes bya phul du sbyang ba'i phyir/ /rig pa'i gnas lnga makas par slobs/ /mi gzhan bkur ba'i gnas gyur nas/ /bsod nams 'du 'dzi byung