ba'i tshe/ /nga rgyal khengs sems phrag dog spongs/ /rang mthong che bcos spyod pa spongs/ /kha nas smras pa'i tshig rjes gsob/ /don dang mthun pa'i chos bzhin bya/ /nga mkhas gzhan ni mi mkhas zhes/ /kha na ma mtho smra mi bya/ /slob par 'dod pa'i gang zag la/ /ci dga' ba dang ci mos shod/ /rang gi slob dpon drin can la/ /lus ngag yid gsum bkur ste bya/ /nor rdzas la sogs ci yod 'bul/ /cung zad yon tan rnyed pa la/ /khengs shing rang mthong ma byed par/ /mkhas pa rnams la nyan dris gyis/ /che bcos stong ldir ma che bar/ /yon tan chos kyis gang bar gyis/ /chos grogs rnams la 'gran sems bor/ /gtsor ni gzhan la snying rjes zungs/ /tshad med bzhi yi go cha bsgos/ /rang rgyud chos kyis ma dul bar/ /gzhan dag 'dul bar ga la nus/ /mkhas na rang rgyud dul bar gyis/ /pad ma 'byung gnas bdag ni da 'gro bas/ /bod kyi ston chen da ltar bzhugs pa dang / /slad nas 'byon pa rnams kyi thugs la de ltar zhog /gsungs pa ste slob dpon pad ma gshegs pa'i dus su bod kyi dge bshes ston chen rnams la zhal bdams bzhag pa'o/ /slob dpon pad ma gshegs pa'i dus su sngags pa rnams la zhal ta gsungs pa/ gsang sngags chos sgor zhugs pa'i sngags par khas len rnams/ /gsang sngags rtsa ba bla ma grub thob 'tshol/ /gsang sngags chos sgo rim pa dbang gis phye/ /gsang sngags srog tu dam tsig gdang mar srungs/ /rdo rje slob dpon yan lag mgo ltar khur/ /yid dam lha ni khong pa'i snying ltar btsa'/ /mkha' 'gro dam can lus kyi grib ma bzhin du brten/ /gdams ngag zab mo mig gi 'bras ltar btsa'/ /snying po zab mo khong pa'i dbugs bzhin bgrongs/ /bskyed rdzogs rim pa lus kyi srog bzhin sgoms/ /lta sgom spyod 'bras phyi rgya rlabs kyis chod/ /mi dge bcu spongs dge bcu dang du longs/ /chos kyi phyir ni rang gi srog dang sdos/ /gtsor ni sngags dang phyag rgya rgyun ma gcod/ /nya stong brgyad dang nyi shu gnyis dag la/ /tshogs dang gtor ma gtong zhing bskang gso bya/ /gdol chos ra chod ras gcod mi bya bla ma bzang la mnyan/ /'phrin las bon gyer mi bya gyer dang sgom du bstun/ /bsnyen sgrub 'phrin las rnam bzhi gzhung bzhin bya/ /gsang sngags dgra ni yid gnyis the tshom spongs/ /gsang sngags nor du mami 'tshong spel mi bya/ /rang gis bsgrubs na dngos grub ci bsam 'grub/ /pad ma 'byung gnas bdag ni da 'gro bas/ da ltar bzhugs dang slad nas 'byon pa yi/ /sngags pa rnams kyi thugs la de ltar zhog /ces slob dpon pad ma 'byung gnas gshegs pa'i dus su/ /sngags pa rnams la zhal ta gsungs pa'o/ /de nas slob dpon pad ma bzhud pa'i dus su/ sgom chen pa rnams la zhal ta gsungs pa/ bod kyi sgom chen khas len kun gson cig /lta bas thag chod dgongs pa can la mnyan/ /sgom pa'i nyams len sgom nyams can la zhu/ /spyod pa'i bya ba mnyam bzhag rjes thob bsre/ /'bras bu sku gsum rang gnas rang ngo rtogs/ /gsal 'debs bka' brgyud man ngag zab mo lta/ /tshig la ma 'byams don la brtag dpyad bya/ /gdams ngag can gyi bla bzang por rten/ /sgom chen thos pa che na gol sa chung / /yid ches med par sgom pa'i tshul ma bcos/ /the tsom gcod cing grub thob rnams la gtugs/ /tshul 'chos mi bya mi shes brdzun mi gdab/ /chos nyid mnyam