pa'i don la gnas pa'i tshe/ /bying rmugs rgod pa la sogs khar ma gtong / /snying po gsal stong ngang la nyid mtshan sgoms/ /chos nyid don mthong rgyud la skyes tsa na/ /bde sdug la sogs thams cad grogs su 'gyur/ /chung ma byams kyang sgom pa'i g.yog mi gzhol/ /bud med slob ma mos gus che yang sgro skur rgyu/ /g.yog 'khor zhabs tog che yang rgyang ring 'dug /'du long bsod nams bar chod rgyu yin pas/ /rang sems dbang du tshugs la yengs med bya/ /de 'dra'i sgom chen mi lus rgyal pa'i thugs/ /pad ma 'byung gnas bdag ni da 'gro bas/ /da ltar bzhugs dang slad nas 'byon pa yi/ /sgom chen rnams kyi thugs la bzhag par zhu/ /slob dpon pad ma 'byung gnas kyis sgom chen rnams la zhal ta gsungs pa'o/ /de nas yang slob dpon gyis rnal 'byor pa rnams la gdams pa/ /bod kyi rnal 'byor pho mo kun gson cig /chos nyid don gyi rnal ma ma bcos la/ /rig pa ye shes ngang du 'byor bas na/ /rnal 'byor zhes su mngi yang btags pa yin/ /lta ba zhe 'dod med do phyogs 'dzin khar ma gtong / /sgom pa dmigs gtad med do sems 'dzin khar ma gtong / /spyod pa blang dor med do ched 'dzin khar ma gtong / /'bras bu spangs thob med do 'dod pa'i khar ma gtong / /dam tshig srung mtshams med do zol zog khar ma gtong / /chos la phyogs ris med do grub mthu'i khar ma gtong / /snang ba 'kharul pa yin tha mal khar ma gtong / /nor rdzas sgyu ma yin no 'dod pa'i khar ma gtong / /gos lhag lhag srung yin no rgya chos khar ma gtong / /zas la gtsang rme med do zhib lta'i khar ma gtong / /mnyam ris med yin no 'khor gyi khar ma gtong / /rgyal khams 'phyo sa yin no pha yul khar ma gtong / /phug stong grog stong sdod sa yin no dgon pa'i khar ma gtong / /chig ldum bzang po yin no sgom pa'i khar ma gtong / /chags med zhen med yin no rkyen ngan khar ma gtong / /rang grol zig po yin no zol zog khar ma gtong / /pad ma 'byung gnas bdag ni da 'gro bas/ /da lta bzhugs dang slad nas 'byon pa yi/ /rnal 'byor rnams kyi thugs la de ltar zhog /gsungs pa ste/ slob dpon gyis rnal 'byor pa rnams la zhal ta bzhag pa'o/ /de nas yang slob dpon gyis skye bo rnams la zhal ta gsungs pa/ bod kyi gtso bo skyes bu bgres gzhon rnams/ /rgyal po'i bka' khrims chos khrims srungs/ /rje'i bka' lung gnyan po snying ltar gyis/ /sgos ched yal bar bor nas gtso bo spyi ched gyis/ /srog dang bsdos kyang mna' mi za zhing rdzun mi bya/ /chad pa'i tshig btsan dga' bshes grogs mi bslu/ /mang po'i mi kha mi bsdu spyi ched che bar gyis/ /bden pa khyad gsod ma byed rang sems drang du gyis/ /gros kyis slebs par gyis la bsam mno sngon la tongs/ /mdzangs pa'i mdun gros yangs la che bar mdzod/ /dgra zad thub la ma gtong rgyal tshod zin par gyis/ /zhal lce gcod na shes che'i kha stabs 'thab gtong / /dpa' bo rnams kyi gzhung lugs dgra bo tul/ /mtshon cha rdor la dmag dpung che bar gyis/ /'khor g.yog skyong la mig rgyang ring bar thongs/ /bran ni ci 'os byin la bkol/ /mi ni rgyang tag ring na yi chad med par skyongs/ /nor du mkhas dang gtam snyan gsog par gyis/ /bu tsha 'tsho shes yon tan mkhas par slobs/ /ma sring chung ma mna' ma byams par skyongs/ /ma