/tha ma tshig 'bru'i lhag chad spongs/ /lhag chad med par gus dang dang bas sgrogs/ /chos la an g.yogs med dang tho yugs spongs/ /bdag nyid bstan pa'i bdag por soms/ /chos kyi sgra chen bsgrags pa yis/ /'gro ba mi ma yin rnams mos pas nyan/ /chos thos ngan sdig grol bar bsam la 'don/ /thon nas tshig 'phro gcod tshe na/ /dge rtsa yon bdag mchod gnas kyis/ /thun mong rdzogs pa'i byang chub 'grub/ /yon bdag dad dang ldan par yon gyis mnyes par phul/ /mchod gnas gang phul yon gyis mnyes par mdzod/ /de ltar ma yin mchod gnas kyis/ /tshar gyis grangs brkus yon la rtseg 'thams byas/ /gsal dag snan gsum ma bton long gtam dag bsres/ /mkhas pa rnams kyang skyon par bshad nas bton/ /sgra don ma nges g.yeng bas sems gzhan 'phros/ /mi mkhas pa yis shog bu bam bsgyur byas/ /yon bdag rnams kyi rgyags dang bkur sti med/ /yon gyis mchod gnas ma mnyes za mas khong khro bsags/ /legs par ma bsgrags mchod gnas sdig la sbyar/ /yon bdag ma mnyes mchod gnas sdig la sbyar/ /de 'dra'i yon mchod gnyis ka dmyal bar lhung / /de ltar ma byed gnyis kas chos dang ldan par mdzod/ /pad ma 'byung gnas bdag ni da 'gro bas/ /da ltar bzhugs dang slad nas 'byon pa yi/ /mchod gnas rnams kyi thugs la de ltar zhog /ces slob dpon gyis bod kyi bla mchod rnams la zhal ta gsungs pa'o/ /de nas slob dpon pad ma 'byung gnas gshegs pa'i dus su bod kyi sman pa lha rje rnams la zhal ta gsungs pa/ 'tsho byed gzhon bu'i sprul pa sman pa kun/ /dang po slob pa'i slob dpon mkhas par slobs/ /bar du rtsa ngo shases dang dpyad dang lag len sbyongs/ /rlung mkhris pad kan ma nor so sor gces/ /sman sbyor dus na skor tson mnor sbyor/ /bar du slob dpon mnyes pa'i bkur sti skyed/ /tha mar nad 'chos gtsang rtog dregs pa skyungs/ /'byung bzhi legs par rtogs la tsha grang phyed par gyis/ /glo bur nad la blo dang rig pas rtogs/ /gzhung dang ma 'gal sman dpyad ma nor gyis/ /sman pa mkhas kyang nad pa'i kha drod ltos/ /mi shes rang bzo spongs la pho tshod che bar gyis/ /nad ngo ma zin sman dpyad ma legs na/ /rang 'gyod mi gces bsad pa'i ming gtam 'byung / /mtshon cha med pa'i mche brkyangs mgo nag yin/ /'dod pa che na zas nor dka' sla dang / /nang du tshud dka' bar du bsten dka' tha me thon dka' na/ /de ni rang don 'tshong ba'i tshong dpon chen po yin/ /de ltar ma byed dang po snying rjes gsos/ /bar du mgu yang thugs dgongs bzang du gyis/ /tha mar mgu sla zhe 'dod chung bar mdzod/ /gso dpyad gang byed sems bskyed zin par gyis/ /zas kyi phyir ni bsod nams tshogs rdzogs mdzod/ /nor gyis phyir ni sangs rgyas thob par sngos/ /phyi ma lha'i go 'phang thob nas ni/ /skye ba stong du lus la nad med bde dang ldan/ /yon tan dpag tu med pa thob par 'gyur/ /nad pa kun kyang dang po sman pa lhar ma lta/ /bar du sman pa mi 'dra log lta spongs/ /ta ma the tsom chod la yid ches gyis/ /zas dang gtang rag g.yo sgyu med par phul/ /drag nas sman pa 'phrad par lam la 'dzur/ /bsam pa dkar pas gzhung srings dang tshig srungs/ /de ltar ma byas nad pas sman par ma gus nas/ /dang po lhar mthong zug gzer chag nas mir mthong nas/ /tha mar drag nas