rgyun chad med par 'dod na nga phyir 'deng / /yul la zhen pa byung tsa na/ /pha yul bor ba'i gdams ngag bdog /pha yul la ma chags nga phyir 'deng / /mi skye bo'i ma dga' byung tsa na/ /brag cha sgra'i gdams ngag bdog /mi kha la ma 'jigs na nga phyir 'deng / /mi sdang ba'i dgra dang phrad tsa na/ /lan chags bzod pa'i gdams ngag bdog /zhe sdang dgra la ma zhen na nga phyir 'deng / /gnyen dang nye ba brtsi tsa na/ /'khor ba rtsad gcod kyi gdams ngag bdog /gnyen 'dun la ma chags na nga phyir 'deng / /bu slob yon bdag la brtsi tsa na/ /chags med zhen med kyi gdams ngag bdog /bu slob yon bdag la ma chags na nga phyir 'deng / /'dod yon lnga la chags tsa na/ /skyar mo nya khyer gyi gdams ngag bdog /nor zas la ma chags na nga phyir 'deng / /lus la na tsha byung tsa na/ /lus sgyu lus yin pa'i gdams ngag bdog /lus na tshas nyen na nga phyira'adeng / /'chi ba'i nad kyis nyen tsa na/ /'da' ka 'chi brod kyi gdams ngag bdog /'chi bas 'jigs na nga phyir 'deng / /lus bem rig gnyis bral tsa na/ /rig pa rten med kyi gdams ngag bdog /bar dos 'jigs na nga phyir 'deng / /lnga pa skye rgyun ma chod pa/ /'gro drug sgo 'geg gi gdams ngag bdog /'gro drug g.yeng bas 'jigs na nga phyir 'deng / /dgongs sam rje 'bangs bu slob kun/ /dad pa gting nas ma skyes na/ /nges shes ye shes mi 'char ro/ /nges shes ye shes ma shar bas/ /bla ma'i gdams ngag mi 'phrod do/ /dad pa mos pa gus pa yis/ /bla ma'i gdams ngag nyams su longs/ /nga skye 'chi gnyis kyi mtha' las grol/ /'gro dang mi 'gro nga la med kyi/ /ye shes thugs la rgyun chad med kyi/ /dad mos la byin rlabs rgyun chad la med kyi/ /rang sems nor bu rin chen 'di la/ /bde sdug gi zug rngu lus la med kyi/ /spyi gtsug tu mos pas sgom nus na/ /nye ba dang ring ba nga med kyi/ /rang lus rgyal ba'i dkyil 'khor 'di/ /gdos pa dang bcas pa nga la med kyi/ /mi dga' ci yod dga' bar soms/ /zhes gsungs pa dang / slob dpon pad ma 'byung gnas kyi phyag phyi la rgyal po dang 'khor rnams kyis 'gro nus pa gcig kyang med do/ /slob dpon la rgyal po dang slob 'khor rnams kyis 'jus nas 'chi ma bton pas der slob dpon lho nub mtshams su zhal log gis gzigs nas bar snang la gzha' tshon sna lha'i dkyil na bzhugs pa la bod kyi rgyal blon bu slob ngarnams kyis rjes su yi rang bas phyag btsal skor ba byas gsol ba btab/ byin rlabs zhus nas de rnams kyang 'khor ba las phyir mi ldog par gyur to/ /de nas 'khor rnams kyis slob dpon srin po'i yul du bzhud pa la yun ring gi bar la bltas pa dang / bar snang la pad ma 'od kyi gzhal yas na phar sku 'od zer dang bcas te ta la bzhud do/ /slob dpon lho nub srin po'i yul rnga yab gling phran/ zangs mdog dpal ri la gshegs pa la bod kyi rgyal po/ blon po/ dge bshes/ sngags pa/ sman pa/ bon po/ btsun pa/ rnal 'byor pa/ sgom chen pa/ nya ma/ skye bo/ bud med bcas pas skyel thung dang phyi phyag btsal zhing dbang zhus pa dang / zhal gdams mkhan pos lung bstan/ slob dpon pad ma bod du mi lo lnga bcu rtsa gcig bzhugs nas/ lha srin gdug pa can thams cad btul/ rgyal pa'i bsam pa bsgrubs/ dpal bsam yas lhun gyis grub pa bzhengs/ sa gzhi