lam la 'gro/ /spyod pa'i lam la 'gro tsa na/ /thams cad mkhyen pa'i sa bon 'debs/ /nga 'gro 'bras bu'i lam la 'gro/ /'bras bu'i lam la 'gro tsa na/ /rtogs pa mngon gyur gyi sangs rgyas thob/ /nga 'gro lta ba'i thur la bab/ /lta ba'i thur la bab tsa na/ /chos kyi dbyings kyi sa la gnas/ /nga 'gro sgom pa'i thur la bab/ /sgom pa'i thur la bab tsa na/ /sgom med ma yangs nga la gnas/ /nga 'gro spyod pa'i thur la bab/ /spyod pa'i thur la bab tsa na/ /bde gshegs bka' lung bzhin du byed/ /nga 'gro 'bras bu'i thur la bab/ /'bras bu'i thur la bab tsa na/ /rang rgyud dag pa'i sangs rgyas lags/ /nga 'gro lta ba'i gnas su 'gro/ /lta ba'i gnas su 'gro tsa na/ /rnam rtog ye shes kyi rang bzhin lags/ /sdug bsngal chos nyid rang bzin lags/ /nga 'gro spyod pa'i gnas su 'gro/ /spyod pa'i gnas su 'gro tsa na/ /'khor ba byang chub kyi rang bzhin lags/ /nga 'gro 'bras bu'i gnas su 'gro/ /'bras bu'i gnas su phyin tsa na/ /sems can sangs rgyas rang bzhin legs/ /nga 'gro srin po'i yul 'gro/ /srin pa'i yul du phyin tsa na/ /sems can bde la 'god du 'gro/ /srin po chos la 'dzud du 'gro/ /bod kyi mnga' bdag blon 'khor rnams/ /yun du sku khams ce bder bzhugs/ /nga skye shi gnyis med kyi sku thob pas/ /mi bde ba yi sdug bsngal med/ /snying rje rgyun chad med pa yi/ /khyed dad gus mos pas gsol ba thob/ /nga dang yang yang mjal nas mchi/ /zhes gsungs pas/ thams cad ma dga' ste mchi ma byung ste/ slob dpon gyi phyi phyag gi lo rgyus lags so/ /de nas rgyal po dang bu slob thams cad kyis phyag btsal skor ba byas/ ngus mchi ma byung ba dang / slob dpon pad ma 'byung gnas kyi mgur bzhes pa/ nyon cig bod kyi rje 'bangs rnams/ /bya rgod po nam 'phang gcod pa la/ /'dod pa'i dbang gis zan la babs/ /rnyi la zin pa ma tshor ro/ /nya mo chab la 'phyo ba la/ /'dod pa'i dbang gis gangs la rgyugs/ /dol gyis zin pa ma tshor ro/ /nga rang sems ye nas sangs rgyas la/ /'dod pa'i dbang gis gzhan gnas btsal/ /'khor bar 'khyams pa ma tshor ro/ /khyod 'jig rten 'khor bar yengs yengs nas/ /'chi khar song ba ma tshor ro/ /zhes gsungs pas/ der thams cad kyis slob dpon 'di 'dra ba dang mjal ba dka' na/ chos dang dbang thob pa lta ci smos/ 'di thams cad kyis zhus pas ni bzhugs par ma gnang / da bzung ba drag zer te/ rgyal blon kun gyis slob dpon pad ma 'byung gnas la 'jus nas mi gtong bar byas pas/ ma thub par nam mkha' stong pa la bzhugs nas bzung bas ma thub po/ /slo dpon pad ma'i gsung gis/ nga khyed tshos bzung bas mi thub gsungs te mgur bzhes pa/ nga mi mang po'i 'du 'dzi byung tsa na/ /rang lus dgon pa'i gdams ngag mdog /grogs bu tsha'i 'du 'dzir ma chags na nga phyir 'deng / /shes pa phyi ru shor tsa na/ /snang ba lam khyer gyi gdams ngag bdog /yul snang la ma chags na nga phyir 'deng / /dran pa sna tshogs byung tsa na/ /sprul sku thugs phrad kyi gdams ngag bdog /tha mal shes pa 'chos na nga phyir 'deng / /sgom bying dang rmugs pa byung tsa na/ /bying rmugs chos sku'i gdams ngag bdog /sgom nus pa yod na nga phyir 'deng / /mnyam bzhag rjes thob byung tsa na/ /mun snang mar me'i gdams ngag bdog /sgom