/ gzhan grub pa thob pa dang / brtul zhugs kyis 'gro ba rnams chos la btsud pa'i rabs/ thugs rje chen po'i gsung yi ge drug pa'i yon tan yi ge rigs su bkod pa rnams gter du sbas pa dang / gzhan bka'i yig rtsis che chung / bka'i thang yig che chung / bka'i gtsigs kyi yi ge mang du yod do/ gzhan yang rgyal rabs rkyang pa dang / khug pa/ zings po can dang / yun po la sogs mang po yod do/ /
zhu chen lo tsA bas bod dpe la bklags/ rgya dpe la paNDi tas zhu tig byed pa/ lo tsA bas tsheg bar bdun la tshig rkang gcig tshig rkang bzhi la sho lo ka gcig sho lo ka sum brgya la bam po gcig bam po zhes pa'i tshad ni sho lo ka sum brgya dang sum cu rtsa gcig tshig rkang stong gcig gi sum cha la bam po gcig tu bshad do/ /slob dpon zhi ba la sogs pas bam po zhes pa'i tshad ni sho lo ka stong gi sum cha la 'dod de/ che chung gi tshad ni tshig rkang ring thung dang mi mang nyung la rnam par bzhag par bshad do/ /de rnams ni bstan bcos rin po che'i mtsho las bshad do/ /
de'i dus su chos kyi mtshan thams cad rgya dpe la le'u mtshams dang / zhabs na yod pa la dam pa yi chos khungs btsun pa dang rgyal po bka' rtags kyi phyag rgya yin pa dang / dam pa chos kyi skabs ngos bzung ba dang / skabs btsal sla ba'i mtshan ched du smos pa dang / go sla ba'i dgos pa yod pa'i skad du bstan pa lags skad do/ /sgra bsgyur gyi lo tsA ba de la gsol thang ni/ blon po chen po kun dang mnyam mo/ blon po chen po'i za thang ni/ rgyal pos gsol ba'i gsum cha gcig yin no/ /rgyal po chen po'i gsol thang ni/ sku srung brgya brgya'i chas dang bcas pa na ma re re la yod do/ /
de nas rgya gar gyi slob dpon dha na shi la dang / dzi na mi tra dang / ka ba dpal brtsegs dang / cog ro klu'i rgyal mtshan dang / sna nam gyi ban de ye shes sde dang / de gsum gyi lo tsA ba byas te/ chos mdo sde skyes rabs dang bcas pa dang / dkon mchog brtsegs pa/ sangs rgyas phal po che/ lang kar gshegs pa/ rgyas pa 'bum/ rgyas 'bring bsdus gsum/ gzungs 'bum/ bai ro tsa na la slob ma gsum gyis bsgyur ba'o/ /snyags dznyA na ku ma ra/ a tsarya rin chen mchog gnyis kyis bsgyur ba la klu 'bum skya bo dang / rlangs khams pa go chas bsgyur ba bla 'bum smug po shas sgro can no/ /gzhan yang 'bum nag dang / 'bum dmar dang / shes rab khri pa dang / khri brgyad stong pa dang / sgo nyi shu rtsa lnga pa/ 'phags pa bsdus pa rdo rje gcod pa/ shes rab snying po/ yi ge gcig ma'i bar pha rol tu phyin pa rgyas bsdus thams cad bsgyur ro/ /slob dpon ka ma la shI la dang / rma rin chen mchog gis dpang skong phyag stong pa la sogs pa dang / mdo sde rgya nag ma la sogs pa mang du bsgyur ro/ slob dpon bo dhi sa twa dang / lo tsA ba mchan bu mang pos chos mdo sde/ 'dul ba/ mngon pa'i gzhung thams cad bsgyur ro/ /slob dpon bi ma la mi tra dang / lo tsA ba snyags dznyA nas/ sgyu 'phrul lam skor dang / de'i cha lag dang bcas pa/ phur pa sham sngon can du grags pa bsgyur ro/ /lha sras khri srong lde btsan gyis gyi ling rta'i khungs dang so yig khams dang rigs thams cad kyi rta dpyad la mnga' brnyes pas/ der yul chen po lnga nas rta mkhan chen po drug