la byas pa 'dra ba bzhag pas kyang / rang sangs rgyas lnga brgyas me'i khams la snyoms par bzhugs nas 'das pa'i ring bsrel lhung bas/ drang srong lhung ba ri dwags rgyu ba'i gnas su bden pa bzhi'i chos kyi 'khor lo gsungs so/ /de nas rgyal po'i khab bya rgod phung po'i ri la mtshan ma med pa'i chos kyi 'khor lo bskor ro/ /de nas grong khyer chen po pad ma can la sogs par nges pa don gyi chos kyi 'khor lo bskor ro/ /de nas grong khyer chen po pad ma can la sogs par nges pa don gyi chos kyi 'khor lo bskor ro/ /de nas dri za rab dga' dang / kun tu rgyu rab bzang la sogs pa'i gdul bya'i tha ma ma lus te dgongs pa yongs su mya ngan las 'da' dgongs so/ /de'i tshe bde ba can gyi zhing na/ bcom ldan snang ba mtha' yas mgon po tshe dpag tu med pa bzhugs pa de yi thugs kyis mkhyen nas/ 'khor 'dus pa rnams kyi mchog byang chub sems dpa' spyan ras gzigs dbang phyug 'od kyis bskul nas bcom ldan 'das shAkya thub pa mya ngan las mi 'da' bar gsol ba 'debs su song zhig ces bka' bstsal pa dang / de'i lo bcom ldan 'das shAkya thub pa rgyal bu rgyal byed tshal na/ byang chub sems dpa'i 'khor rgya mtsho'i rdul snyed kyis bskor nas bzhugs te/ de'i dus su 'phags pa spyan ras gzigs dbang phyug gi yon tan bka' bstsal pa/ byang chub sems dpa' dpag tu med pa'i zhing khams sprul nas sems can gyi don mdzad do/ /de nas byang chub sems dpa' sgrib pa rnam par sel bas gsol ba/ bcom ldan 'das bdag byang chub sems dpa' spyan ras gzigs dbang phyug de lta bar 'dod na de da ltar gang na bzhugs zhes gsol pas/ bcom ldan 'das kyi zhal nas/ 'o cag la sogs pa sangs rgyas kyi zhing khams bsam gyis mi khyab la/ spyan ras gzigs de'i ba spu'i bu ga na gnas pa yin pas/ khyed lta bus mthong bar mi nus kyi/ de myur du nga'i drung du 'ong gis de tsa na 'od zer khyed la bstan gyis/ zhes pa la sogs mdo sde za ma tog bkod pa nas gsungs so/ /mdo lung dang mi ltar thugs rjes gzigs pa'i yi ge rgyas pa la logs na yod do/ /de lta bu'i rgyud ris ni pho brang khra 'brug gi thugs dam khang pa 'og ma na yod do / /puN Da ri ka'i mdo las kyang / 'jig rten gyi khams gang gA'i klung gi bye ma snyed kyi khams re re na/ spyan ras gzigs kyis sangs rgyas stong rtsa gnyis su sprul nas/ sems can gyi don mdad par bka' bstsal pa/ de'i rgyud ris ni/ ra sa 'phrul snang gi gtsug lag khang gi dbu rtse'i bar kang gi byang ngos na bris yod do/ /chu klung sna tshogs kyi mdo las kyang / spyan ras gzigs dbang phyug gis nam mkha'i mtha' khyab pa'i sems can thams cad la mdzad pa bcu gnyis kyis gang la ci 'dul de la der ston gyi don mdzad par gsungs so/ /de'i rgyud ris ni/ ra sa'i gtsug lag khang gi 'og khang gi lho ngos na bris yod do/ /snying rje rol pa rnam par rgyal ba chen po'i mdo las kyang 'jig rten gyi khams gang gA'i klung gi bye ma snyed phrag dgu'i 'jig rten gyi khams kyi bkod pa bar ma'i skabs na/ 'byung ba la rdul phra rab ji snyed yod pa de'i grangs dang mnyam pa'i 'jig rten gyi khams re re na/ 'dzam bu gling re re/ de na rdo rje gdan re re/ rgyal ba shAkya thub pa re re/ byang phyogs na ra sa'i gtsug lag khang re re/