rgyal po srong btsan sgam po re re/ rgya mo bza' kong jo re re/ bal mo bza' khri btsun mo re rer sprul nas sems can gyi don mdzad par gsungs te/ de'i rnam thar mdo sde de dag tu blta bar bya'o/ /de'i rgyud ris ni/ spa gro skyer chu'i gtsug lag khang na bris nas yod do/ /mi mjed 'jig rten gyi khams 'di'i dbang du byas na/ sangs rgyas rnam par snang mdzad kyi thugs ka'i ze 'bru'i nang na gnas pas/ de na gnas pa'i gdul bya rnams yid shas che bas gzhan du bskal par dge sdig spyad pa bas 'dir skad cig thang cig dge sdig spyad pa stobs che bar bshad do/ /de ma thag tu byang chub sems dpa' spyan ras gzigs de/ rgyal bu rgyal byed kyi tshal der byon nas/ bcom ldan 'das kyi zhabs la gtugs te spyi bos phyag byas nas bdun du 'dug pa la/ 'khor de dag phan tshun dga' ste phyag myur du byed do/ /de nas spyan ras gzigs kyis gsol te/ bcom ldan 'das da dung khyed kyi dgongs pa ni/ yongs su ma rdzogs te/ kha ba can gyi sems can la chos kyi 'khor lo ma bskor na/ zhes gsol ba dang / bcom ldan 'das kyis bka' bstsal pa/ kha ba can gyi sems can rnams ni da dung smin par mi nus te/ ma 'ongs pa na byang chub sems dpa' khyod lta bus smin par byed par gyur cig ces bka' bstsal pa dang / spyan ras gzigs de ma thag tu rgyal byed tshal nas mi snang bar gyur to/ /bde ba can du phyin te/ a mi de ba la gsol ba dang / snang ba mtha' yas kyis bka' bstsal pa/ rigs kyi bu khyod kha ba can gyi rgyal khams su skyes pa'i sems can rnams ni/ gcig kyang ma lus par bye ma'i sgro ba kha sbubs pa ltar song nas yar mi ldog par 'gro bas/ kha ba can gyi 'jig rten gyi 'og na/ dmyal ba lcags kyi za ma tog kha bcad pa 'dra ba gcig yod pas/ des
(de'i)
'gro ba sems can rnams thal cig de rnams khyod kyis zang zing gis bsdus la/ de nas chos kyis smin par gyis la mthar bde ba can 'dir nga'i drung du khrid la shog cig ces bka' bstsal to/ /de nas spyan ras gzigs ma mjed 'jig rten gyi khams su 'ongs pa dang / bcom ldan 'das shAkya thub pa'i zhal nas 'od zer bkye ba dang / phyogs bcur 'phros te/ slar zhal gyi sgor nub po/ kun dga' bos de ji ltar lags zhus pas/ bka' bstsal pa/ byams pa la zhus shig byams pas smras pa/ ring por mi thogs par bcom ldan mya ngan las 'da' ba'i ltas yin pas/ da dris par 'os pa rnams zhu bar 'os so/ /de'i dus la bab po zhes lung bstan to/ /mdo sde mya ngan las 'das pa chen po las/ lha dang klu dang gnod sbyin la sogs pa'i byang chub sems dpa' bsam gyis mi khyab pas/ bcom ldan 'das mya ngan las mi 'da' bar bzhugs par zhus/ byang phyogs kha ba can gyi don la bzhugs par zhus pas/ nga 'das pa'i dus la bab kyis/ khyod kyis smon lam thob las thul cig gsungs so/ /de nas 'jam dpal gzhon nur gyur pas gsol ba/ kye bcom ldan 'das 'gro ba sems can rnams zhal yang khyed rang la lta/ chos kyang khyed rang la mnyan/ bsod nams kyang khyed rang la brten nas gsog pas khyed rang mya ngan las 'das na drug sde sus 'dul/ the tshom ni sus gcod/ yon ni sus sbyong / mu stegs byed sus zil gyis gnon/ zhes gsol pas/ bka' bstsal pa/ ston pa ni so so thar ba la gyis/ gnad mkhan kapa dang slob dpan la chol/ drug sde