kyis bar dang dpang po mdzad nas/ dbon zhang bsdums mdzad do/ /rgya'i gong gu ma rur rme rur rgya'i gtsug lag khang gcig dang / bod kyi gtsug lag khang gcig dang / gnyis bzhengs su gsol lo/ /gzhan yang lha khang mang po zhig bzhengs te/ de bar du sa la btsan po dbon zhang / gnam la nyi zla las med do bar glegs glengs nas pha bod la nyi zla'i gzugs byas pa 'di tsong kha mtsho sngon gyi lha shar na yod do/ /gong gu ma rung rme ru yar bcad du rgya'i dmag mi yong ba/ de man chad du bod kyi dmag mi 'dren pa'i mna' byas so/ /de rgya bod gnyis kyi mtshams yin no/ /dpang por lha gnyan klu gnyan mang po bzhag dbon zhang ji ltar chad byas pa'i rtsis gtsigs kyi yi ge gsum la mchis te ker shir khri sgo dang / nga sa'i lha khang dang / gong gu ma ru rme ru gsum por rdo ring la bris nas yod do/ /gzhan yang rgya gar/ bal po/ li yul then/ sbal bru sha/ dmang zhang zhung / hor yul/ sog yul/ yu gur/ ka mi log la sogs pa 'dzam bu'i gling gi rgya mo khyi khyo can/ sog po spre lag can yan chad gling gi gsum gnyis mnga' 'og tu 'dus/ ma rungs pa thams cad kyi mgo bregs nas de thams cad bod kyi rgyal po mnga' bdag ral pa can gyi mnga' 'og tu bsdus so bya ba'i dril chen po phyogs bcu thams cad du bsgrags so/ /de nas btsan bag pos mdun sa chung ba rab tu byung ba la phul nas chab srid chos dang mthun/ dbang dge 'dun la bskur te phul bas/ blon po nag po la dga' ba kun dpya mi 'tsham par bsdu ba dang / byi dang rku ba la sogs pa bag med spyod pa shin tu dog par byung bas/ rje'i snyan du zhang blon tshos bskos pa kun sgrub pa la/ dpya lo thang du bsdus nas dmangs dge 'dun la 'bul ba 'jug lags/ nged rnams kyis snyung phyag nyi su rtsa gcig rten dang bcas pa bgyis kyang bka' lan mi gnang bar dmangs rab tu byung ba la dgyes bzhin du phyag mdzad pa ci lags zhes pa la sogs pa zhus pa'i lan du/ btsan pos bod 'bangs skya btsun yo bsdus nas rab tu byung ba'i mtha' bstod/ chos byed par 'dod pa rnams la yang bka' drin chen po gnang / zhang blon rnams la phyag dang / snyung rmed btab ma dgu rtseg can dang / zings po sna tshogs can la sogs rigs mi 'dra ba sna tshogs gnang / mi chos dang lha chos gnyis ka gtan la phab/ ra sa dang / bsam yas dang / skar chung la sogs pa'i yab mes kyis thugs dam bzhengs pa'i 'phro thams cad kyang ma lus par bzhengs par mdzad do/ /zhig yal thams cad kyang gso ba'i dus der lo nyi shu rtsa bzhi rgyal srid bzung / de la 'bangs nag po la dga' ba rnams kyis nged 'di tsam du spyod pa dog pa de cis lan zhes gleng bsher byas pas/ blon po rnams kyi snying du bdud zhugs nas/ 'di btsan po chab srid dam drags pa'i dbang gis lan zer bar 'chams te/ blon po nag po rnams kyi snying du gnam the dkar po/ bar the khra bo/ sa the nag po gsum zhugs nas/ dmangs dang btsun pa la dbang gtad pas nongs zer/ spyod pa rtsing du btang bas de la bka' bkyon nan cher bstsal bas/ de pha gis lan zer nas/ rab byung la mdzub mo btsugs pas/ nga'i rab tu byung ba la mdzub mo btsugs nas zer te/ ker byed na mdzub mo chod cig ces bka' bstsal to/ /mtshang can ston