btab mdzad do/ /tha na bre dang / srang dang / zho la sogs pa rgya dkar po ma ga dha dang bstun nas 'on chang rdo dang / skyid shod sho ma ra gtan la phab/ btsan po dad pa che bas mdun sa chung ba rab tu byung ba la phul bas/ lo tsA ba kun gyi zhal nas bod 'bangs 'dul dka' bas chad pa la brten dgos/ rab tu byung ba ston pa'i bka' bzhin byed 'tshal bas/ chad pa bgyid mi rung / mdun sa gnang ba mi len zhes gsol bas gsung bzhin mi bgyid pa la ngas zhang blon kun bgyid du bstsal/ chab srid bzhes par zhu zhes gsungs so/ /thugs dad pas rje'i dbu thod phud/ rab tu byung ba'i gdan du bting / rab tu byung ma thag la zhabs spyi bor len/ gos ngur smrig skye bos gyon pa gzigs na yang phyag deng mdzad/ dan gyi lcang tshal du bla sgo dang po dge 'dun la phul/ rgya nag po dang / bod yul dang / gzhan yang rje ral pa can gyi mnga' 'og na yod pa rnams la bka' bstsal nas/ lha khang stong rtsa dang / mchod rten bye ba bzhengs so/ zhang blon gyis snyung phyag gi rten phul nas snyung phyag nyi shu rtsa gcig phul yang lan mi gnang / bod yongs la rje'i dpya bsdus nas/ dge 'dun la bla nas 'tsho ba 'bul/ rab tu byung ba re re la yang 'bangs mi khyim bdun bdun lha ris su phul nas na bza' sbyor/ rab byung gi gos lhan pa can gzigs nas/ de'i lha ris la bris nas bka' drag tu bstsal/ skye bo khyim pa chos la mos pa kun rab tu byung ba'i mdun sa bzhin chos dang bstun pas shin tu bde zhing skyid par mdzad/ dam pa'i chos dag cing gtsang bar mdzad pa rje bka' drin che ba lags/ de nas sku la bsdo ba dmag drangs nas cham la phab pa ni rgya nag po dang dbon zhang gnyis bsdum bya bar chad pa ma 'chams nas/ bod ru bzhi nas dmag sde bco brgyad/ blon po chen po zhang khri gzhung rab shags dang / blon mang rje lha lod la sogs pa dar tshan zhig gis khrid nas rgya'i yul du dmag drangs te/ rgya'i gyen po thams cad bkum nas/ rgya thams cad cham la phab nas/ lces gces mkhar nyi shu rtsa bzhi yar bcad mnga' 'og tu bsdus/ seng tog mkhar/ gog chu'u/ mi nyag gha lga la sogs mkhar sum cu so bdun tsam brdungs/ snangs mang po bcad/ rnga mong dang / rta dre'u phal cher phyag tu phul/ mi nyag 'gang sgang dgar skya mor byed dus/ rgyal po rnam thos sras dngos su byung nas/ btsan po la zhu ba zhus pas/ khyed kyis 'dul ba'i dus 'dir nga la khab gcig zhu gsungs pas mi nyag gha lga byin no/ /de 'dra'i 'dra 'bag rgyal po ral pa can la/ rgyal po rnam sras pus mo btsugs pa'i gzugs kyang yod do/ /de nas rma chu 'og ma la lcags kyi glang ru phar bcad tshur bcad byas te lcags zam kyang btsugs/ rgya nag ri bo rtse lngar byon dus/ dbus ri'i steng du 'od dang 'od sprin gyi gseb tu bcom ldan 'das 'jam dpal seng ge la bzhugs nas/ rgyal sras khri phrag gis bskor bar gzigs shing / gzhan yang gnam mkha'i ngos kun gtsug lag khang dang mchod rten mang pos gang bar gzigs so/ /de'i gzugs kyang btsan po rang gis bzhengs pa'i lha khang gi phyi'i ngos la bris nas yod do/ /de dus rgya'i ha shang dang / gyang chung dang / lcang la bo mang po dang / bod kyi dge ba'i bshes gnyen rnams 'dus nas/ khong rnams