pa'i brda byas pas/ de khrims la skyon gcig gsungs nas mdzub mo bregs/ dus phyin chad nga'i rab tu byung ba la mdzub mo btsugs na zer te ker byed na mdzub mo chod cig ces bka' bstsal to/ /yang de rnams spyod pa dog pa pha gi kun gyis lan zer te mchu yo byed pas nga'i rab tu byung ba la mchu yo byed pa kun mchu bregs shig gsungs nas mchu bregs/ de bzhin mig log gis brda byas pas mig phyung / chos pa'i ka ca brkus pa la dkon mchog gi brgyad cu 'jal la sogs kyis len pa'i khrims mdzad pas der zhang blon nag po kun lkog tu gros byas te/ chos khrims bshig pa'i chad byas pas de la btsan po ma bkrongs na chos khrims mi zhig zer nas/ kha cig na re/ rje ral pa can la sras med kyang gcung lha sras gtsang ma chos la dga' bas/ srid 'dzin te chos khrims mi zhig zer/ yang ban chen po bran ka dpal gyi yon tan chos byed pa la dbang che bas chos khrims mi zhig zer/ de la rje la snyan phra bcug pas chog zer nas bran ka dpal gyi yon tan dang / btsun mo dpal gyi ngang tshul ma gnyis nyal bshams so/ /zhes blon po dbas rgyal to res snyan du gsol bas/ chad pa che thang du zhus pas mi bden gsungs nas ma gnang / yang yang zhus pas mi srid gsungs/ khong gnyis kyi zhabs ma gnyis brkus nas gzigs pa phul/ zhang blon gyis dpe med ces zhus pas/ 'o na khrims chod gsungs pa la ban chen po bran ka dpal gyi yon tan gyis lcags kyi srog tsa bsgrubs pas ma grub pa la phra ma btsan par byas te/ 'phan yul g.yung thang du bkrongs so/ bran ka dpal gyi yon tan bsad pas bod kyi phywa g.yang nyams bya ba yin no/ /yum dpal gyi ngang tshul can dmod mo bor te brag las mchongs te gum mo/ /de ma thag lha sras gtsang ma rab tu byung nas rdzong nga tshon po dang bcas te spa gro mon yul du spyugs so/ /bod kyi bsod nams nyams pa dang / lha srin kun kha langs nas rgod pas blon 'bangs nag po la dga' lha gdong gis kun gyi gros kyi kha lo bsgyur te/ dbas rgyal to re dang cog ro legs sgra ldong phung 'dre mi gnyis kyis zha'i bor khyer 'or cher rgyal po dbu sgra bzil ba'i dus su/ btsan po rgya'i 'bras can gsol ba la dug sna tshogs pa drangs pas ma sto bar/ der lan dkar du stangs ldong btsan dang skud po cog ro lha lod kyis rje mnga' bdag ral pa can dgung lo sum cu rtsa drug pa lcags pho bya'i lo la ltag gcus nas zhal ltag par bstan/ cog ro bya'u bgyis nas sku bkum/ rgyal po khri srong lde btsan chu pho rta la rgyal sa mdzad/ rje ral pal can lcags mo bya la dgung du gshegs pa'i bar du lo brgya tham pa song / de'i bar bod kyi rgyal khrims dang / chos khrims gnyis ka dar bas 'di skyid pa'i gdung rabs yin no/ /de nas btsan po dar ma 'u dum btsan po dgung lo bcu dgu pa la chab srid btang / rgyal por dbang bskur/ bod 'bangs chos la gnag pa kun gyis/ dbas rgyal to re the rang sprel mgo chos la mi dga' ba de nang blon du bskos/ sna nam rgyal tsha khri 'bum rje khra mgo ba phyi blon du bskos/ blon po kun gyis chos khrims dang 'gal ba mang du byas/ chos ji ltar bsnubs na/ rgya nag pos bod kyi rig pa thams cad thub pa la/ chos kyi rig pa dang rgyal po'i bsod nams ma thub nas/ lo gcig tu gab rtse thams cad bkram/