gror byon/ skyer chu'i lha khang rnying pa gsos/ gsar pa brtsigs/ yab mes kyi bla dpe dang / khrims kyi yig tshang dang tshan che ba gcig sbas/ stag tshang dang seng ge phug tu gter kha mang du sbas/ spyal kar brgya rtsa brgyad sbas/ gter phran mang du sbas/ de nas lha sras gtsang ma la spyan 'dren med pas thugs mug ste/ bsam yas skyer tshang gi bla dpe zab mo rnams spyan drangs te spyal ka'i brag la sbas/ lha sras sku 'khor rnams gshegs pa'i shul du/ nam mkha'i snying po mkhar chur gshegs/ nyang ting nge 'dzin zha ru bzhud do/ /lo tsA ba gzhan rnams so sor bros/ paNDi ta la la spyugs/ la la rang yul du bskrad/ de'i rjes la dar ma rje blon gyis mi tong po mang po bkyes te/ nyang ting ge 'dzin bzang po dbu ru zha ru bkrongs/ rma rin chen mchog bud med du brdzus nas 'u yug tu zla ba dgu yib/ slob dpon la phyag rgya bsten pa la snyad btags te/ srod du chu kha gcig tu bkrongs/ ngan lam rgyal ba mchog dbyangs la bkrongs par brtsams pas/ spyi gtsug tu rta skad bton nas/ mi tong po'i co to nas bzung ste skad la bskor bas ma nus te slar bred do/ /dar rje dpal gyi grags pa dang / snubs sangs rgyas rin po che dang / mgo 'gom sgom tshul khrims dang / mkhar chen dpal gyi dbang phyug dang / mchims shA kya pra ba dang / 'brog mi dpal gyi ye shes dang / shud pu dpal gyi seng ge dang / sna nam rdo rje bdud 'joms dang / sog po dpal gyi ye shes dang / rlangs chung seng ge dpal/ 'o bran dpal gyi gzhon nu la sogs pa lo tsA ba bgres po rnams la rgya gar gyi paNDi ta grub pa thob pa'i snyan khung brgyud pa'i gdams pa mnga' ba dang / slob dpon chen po bo dhi sa twa dang / slob dpon pad ma sam bha'i byin rlabs zhugs pas sku tshe ring ba dang / lha dang srung ma dbang du 'dus pa dang / sku snang mdangs mi snang ba la sogs kyis grub pa thob kyang / rgyal po'i log spyod ma bzlog ste/ so sor ting nge 'dzin la bzhugs so/ /gzhan sgrub pa po mang po btsan sa ru bskungs nas yib po/ /de ma yin pa chos mdzad rab byung tshul khrims mi gtong ba kun bsad do/ /de nas re zhig na/ yer pa'i lha ri snying po na/ la la rtags ma bskyur bar ri dwags rngon pa dang shan pa la bcug chos kyi 'chad nyan dang sgom sgrub/ 'bri klog phyag mchod thams cad rgyun bcad/ bstan pa bsnubs te ming yang med par byas so/ /de nas re zhig na/ yer pa'i lha ri snying po na spe'u se ru ma ru na/ lha lung dpal gyi rdo rje sngags btsun shed rtsal dang ldan pa gcig sgom byed pa'i dus su/ nam phyed tsam na/ dpal lha mo bud med kyi gzugs su dngos su byung nas/ deng sang bod na grub thob mang yang / dus la ma babs pas khyod la grub thob thams cad kyi byin rlabs zhugs pas/ rgyal po sdig can gsod ran zer ba zhig byung / de nye gnas la rmi lam du byung ba skad byas bshad pas/ nye gnas kyis slob dpon la chos bsnubs pa'i lo rgyus rnams zhib tu snyan du gsol bas/ rgyal pos lha lung dpal gyi rdo rje bzhugs pa yang tshor/ gros byas bkrong bar rtsom pa'i gshed du ma btub pa dang / lha lung dpal gyi rdo rje btsan po la snying rje chen po skyes te/ rgyal po log spyod tshan chen po da rung spyad nas ngan song gsum du skyes te/