bskal pa grangs med par 'khor bar 'khyams pa a tsa ma snyam ste/ de la thabs dang rten 'brel brtsis nas khong rang gi 'khor la nga rang log log gi bar du rnga dang dril bu dang rol mo'i sgra thun drug tu ma chag par gyis shig ces bsgos nas/ slob dpon snubs nam mkha'i snying po la zhus pas/ nga khams kyi zas spangs pas/ de khyed kyis sgrol cig lam thams cad myur du bgrod do gsungs nas byin gyis brlabs so/ /de nas khong gis rta dkar po gcig la sol phye nag po byugs so/ /ber nag nang dkar po la phyi nag po gcig gyon/ lcags mda' dang / lcags gzhu zhig thogs/ mdung dkar po la sol ba nag po byugs pa gcig khyer/ lha sar phyin pa'i dus su/ btsan po na re/ nga khams gcig kyang ma bde/ mdang rmi lam gcig kyang ngan/ snying gcig kyang mi dga' zer zhing / ra sa'i rdo ring gi yi ge klog gin 'dug pa la/ lha lung dpal gyi rdo rje mi gcig dang 'phrad pas/ de na re/ jo bo mi nag gar 'gro zer bas/ nga btsan po la phyag byed pa yin te/ rje gang nas bzhugs byas pas/ rje rdo ring gi yi ge klog gin 'dug zer/ btsan pos lha lung dpal gyi rdo rje byung ba mthong nas/ mgon po nag po byung zer nas/ gtsug lag khang dang dga' ldan gyi bar gyi mchod rten la sku mnyes nas bzhugs 'dug pa'i mdun du/ lha lung dpal gyi rdo rjes rta babs nas/ pus mo la brten nas gzhu brdungs pas/ btsan pos de phyag byed par go nas bzhengs 'tshal zer/ phyag dang po byas/ rten phyag gnyis pa byed tsa na mda' ltong kha sbyar/ phyag tha ma zin te ral pa rgyab tu bskyur/ mtheb bkrol te/ btsan po'i brang la brgyab nas/ rgyal po sdig can de ltar bsad do/ /nga bdud yab zhur nag po bya ba yin zer kha pha smras so/ /btsan po na re/ nga lo gsum gyis bsad pa sngas/ yang na lo gsum gyis bsad pa phyis pas zer grongs/ lo bcu dgu nas nyi shu rtsa gcig bar du/ lo ngo gsum zla ba bco brgyad rgyal po byas zer ro/ /de nas mi kha cig na re/ sras yong ba dang / gcung po ma spyugs pa la dgongs pa yin zer/ kha cig na re/ snga na chos mi bsnubs/ phyis na phyis byed dpyis phyin pa bya ba yin zer/ lo gsum sdig rgyal byas nas/ bod khams kyi sangs rgyas kyi bstan pa nyams smad par byas so/ /der lha sras btsan po bkrongs par thams cad ra mda' rgyugs shig ces sbran nas/ la la lha ris sgang rgyud na mar byung / la la pha brang dmar po ri na mar byung ngo / /bdud yab zhur bgyi ba skyid chu'i mtsho khol ma la bsdad nas bde nyal byas te/ rta'i sol phye bkrus pas dag ber pyir slog lcags gzhu 'phyar zhing / nga lha gsanam the dkar po bya ba yin zer nas song ngo / /ded pas ka cig na re/ ngan pa de do zin pa la drang sring srin po ri'i snar sa sros nas bor zer/ kha cig na re grib bse sgrom gyi phu ru sa sros te ma matong bar shor zer/ kha cig na re than mo rdo ring nas sa sros nas shor zer ro/ /de zin pa la ma matong zer ro/ /gsum 'ongs pa 'di dpal gyi rdo rje'i sprul pa yin par nges/ 'di gsod de zer nas stangs dgu des gsod du phyin pas mi kun na re/ khong sngar bas mtshams dam par byas/ rol mo'i sgra yang thengs drug tu 'khrol zhing 'dug zer/ dpal gyi rdo rje'i sgom khang gi mdun du phyin nas bltas pas/ tha mtha' rgya bris