la 'ong ngam byas pas nged 'di na 'dug pa mi la ma smra gsungs/ de nas zan lhag byin pas/ za 'phro gris bcas nas bor de ji ltar lags byas pas/ 'dul ba'i chos nas mi rung bar bshad pas/ kho dad pa skyes nas/ lha lung dpal gyi rdo rje byung ba dran te/ khyed 'dra ba'i mi gcig shel gyi yang dgon du yang byung zer/ de da lta gang na 'dug dris pas ra rdzi na re/ kha
(na )
ning yang khyed 'dra ba'i mi gsum byung nas/ gar song cha med byas pas/ de kun la 'di gtod zer nas po ti gcig bzhag nas yod/ kho rang gar song cha med zer/ der dge slong gsum pos po ti spyan drongs la shog byas pas/ khos len du phyin nas phyag tu gzigs pas/ mdo 'od ldan karma sha dam gsum 'dug 'od ldan gyi gleng bslangs bag re byas pas/ ra rdzi na re/ da nga yang btsun pa byed par zhu zer/ chos 'di nas byung ba bzhin byed nus na bya'o/ /'di ltos shig byas pas kho dad pa skyes nas klog gin spyi bor blangs te song bas/ bdag sangs rgyas thams cad kyis rab tu bnga du gsol zer/ sang nangs par 'di nas byung pa ltar byed na re dga' zer bas/ der g.yo dge 'byuung gis mkhan po byas/ gtsang rab gsal gyis slob dpon byas nas dge tshul gyi sdom pa phog pas/ ming yang mkhan slob las dras te dge ba gsal du btags nas/ chos 'dul ba lo lnga gsan no/ /kho shes rab che bas phyis mngon par shes pa mnga' bas/ bstan pa'i rtsa bar gyur pas/ ming bla chen dgongs pa gsal du grags so/ /de nas khong karma sha dam ltar byung bas/ 'di dge tshul gyis ltar mi rung / 'di lta na bsnyen rdzogs byed dgos byas pas/ nga dge slong byed par zhu zer/ de la yuul dbus su dge slong bcu/ mtha' 'khob tu lnga dgos te/ 'di na gsum las med gsungs pas/ nga kha ning gi chos khyer nas byuung ba de 'tshol du 'gro zer nas de btsal pas/ rgya dar rtse'i tshong 'dus na lha lung dpal gyi rdo rje las kyi kha skong zhus pas/ ngas mi btub ste bstan pa'i don du rgyal po sdig can de bsad pas sdom pa med/ 'on kyang nga yis grogs bya'o zer nas song bas/ rgya nag nas ha shang dge slong ke dbang bya ba dang / gyim phag bya ba'i dge slong gcig dang gnyis khrid nas byung ba dang / dad pa'i dge 'dun gyi kha skong mdzad nas/ bod kyi dge slong gsum dang / der lnga pos sdom pa phog nas dge slong byas so/ /dmar ban shAkya mu nes gsang ste'i dge 'dun mdzad/ dge slong rab byung drug yod pa la/ de nas lo gnyis gsum nas grum 'bar ba byang chub kyis rab tu byung ba zhus pas/ mkhan po bya rgyu ni/ nged rgas skyong ba mi nus/ sngon sangs rgyas bcom ldan 'das kyi zhal nas glang po che smyon pa'i sna la ral gri btags nas sems can gsod du bcug pa ni sla yi/ rab tu byung nas de ma bskyangs pa ni de lta ma yin no zhes bka' bstsal gsungs pa/ mnyadzu dge 'byung gis/ sdom pa yang khyod kyis phog gsungs/ dam pa'i cos 'dul ba dang sbyar na/ nga yis lo lnga las ma lon/ mi rung zhes pas/ mkhan po byed rapa gnang ba la dge salnga byas nas lo bcu lon dgos par bka' bstsal byas pas/ lo lnga lon nas mkhan po byas pa la nye sapa gcig las med/ ston pa'i bstan pa spel ba'i ched du nged mkhan slob la dri mas phog ste/ de khyad du sod la mkhan po gyis shig pha rol po la sdom pa skye yi