gsungs nas/ nged kyis gnang nas nyes pa med kyi gsungs/ lung legs par byin nas mkhan po byas/ ming rin po che ye shes rgyal mtshan du btags/ des khams pa mi drug rab tu byung ba yin no/ /ming ni spa gong ye ses g.yung drung 'bar/ rin chen gsal gnyis btsun pa re byung / phyis mkhan po yang byas/ ja ye shes seng ge dang / lce shes rab byang chub gnis ni mkhas btsun ldan pa yin/ de gnyis kyis zi na rin chen dang / gtsang dge ba'i shes rab gnyis rab tu byung ngo / /de gnyis kyis mkhas pa drug shes rab grags tab tu byung ngo / /des mtha' bzhi rgyal 'phags rab tu byung ngo / /de nas 'al pa rdo rje dbang phyug dang / snubs phag shing rta chen po gnyis rab tu byung / slob gnyer tshul bzhin mdzad/ snubs phag sing rta'i rgyud pa la mkhas rgyud zer/ grum shing rlag lag can gyi rgaya?d pa la btsun rgyud zer te yongs grags so/ /sde pa ni mang du 'phel lo/ mched po gnyis 'tshogs nas lhan cig tu chos kyi bka' bgro ba mdzad dus lan gcig tsa na/ 'brel 'bel gtam byas pas grum shing rlag lag can gyi zhal nas/ da gzims par bgyi/ nga mal gang du bgyi gsungs/ snubs phag shing rta na re/ dpal gyi dbang phyug kyang zer/ 'dir stabs gcig tu bgyis gsungs pas/ khyod lkog na 'bu kha gsol bar grags/ nga sla khab bla gab bsrung 'atsal byas pas/ snubs phag shing rta khros nas/ e shing rlag lag can gyong po 'di zer bas/ grum shing rlag lag can bya bar grags/ de gnyis kyis bslab pa blangs nas lo bco lnga tsam re bzhes nas yod pa'i dus / lo 'ga' re nas 'du 'dzi bag re mdzad pa la/ mkhas gral/ gtsun gral/ rme gral gsum du phye nas bsnyen bkur rim pas phye nas byed pa la/ mkhas btsun gyi gral ring por song ste snyan bkur rim pas phye nas byed pa la/ mkhas btsun gyi gral ring por song ste snyan pas khyab nas dbus gtsang du grags so/ /bla chen po'i slob ma ni macog drug yin te/ btsun pa spa gong ye ses g.yung drung yin/ des grum ye shes rgyal mtshan la 'dul ba bshad do/ /bla chen po'i mkhan bu la/ 'bar rin che gsal/ mkhas pa 'al pa rdo rje dbang phyug snubs dpal gyi dbang phyug dang / mkhas la btsun pa ja ye shes seng ge dang / co shes rab byang chub po/ gzhan yang shog chung pa shes rab grags dang / bka' 'bar ba byang chub la sogs mang po bka' drin la bkod pa lags so/ /bod kyi rgyal srid phyogs su chad pa ni/ btsan po glang dar ma la btsun mo che chung gnyis yod pa la/ sras ma gzigs pa la btsan po bkrongs nas yi mug tu lus pa la/ rang rang so so'i blon po rnams kyis bsrungs so/ /chos khrims dar gyi mdud pa 'dra ba grol/ rgyal khrims gser gyi gnya' shing chag bod dmangs mi sog ma'i phon thag chad/ ban chen kapo bran ka dpal gyi yon tan bsad pas bod kyi phywa g.yang nyams/ pha zer la bu ni nyan/ rje zer la 'bangs mi nyan/ dpon zer la g.yog mi nyan/ bod sil bu rang khar dgar song / rje'i btsun mo 'bal phan bza' ma'i sras khri brtan po yum brtan yin te/ da lta dpal gyi bsam yas na yod pa rnams yin no/ /lcang rgya na yang yod do/ /de gnyis gcen po gang gis byed par ma 'chams nas blon po kun 'khrungs te/ dbu ru dang g.yo ru gnyis su chad do/ /tshe spong bza'i