pa la lam du sku 'das so/ /de nas rngog gis mkhan po mdzad de/ sde tha dad du byung / rngog 'das nas rgya gsar sgang gi gnas brtan 'tshal chung ba mkhan por bskos/ de 'das nas rgyal gyi kun tshul khrims byang chub mkhan por bskos/ 'dul pa yang lan kha yar mdzad do/ /'dul ba zhig nas mkhan po yang mang rab tu song / phyis gsum pas gnas gzhi yang brtsigs/ mkhan po yang mdzad/ 'bring gis yun ring por dgon ser du sgrub pa mdzad/ phyis mkhan po yang mdzad/ de ltar dbus gtsang mi lngas bstan pa 'phel zhing rgyas par mdzad do/ /de ni mkhan po'i brgyud pa'o/ /brgyud pa ni sangs rgyas bcom ldan 'das kyis tshe dang ldan pa 'od srungs chen po la bka' bsgos te nyer bar 'khor la 'dul ba gtad/ des dgra bcom pa lnga brgyar gcig gis mi tshang ba'i thugs rgyud las bsdus/ khyad par du kun dga' bo la gtad/ des sha na'i gos can la gtad/ des nyi ma gung pa la/ sangs rgyas kyis lung bstan pa yin te nyer sbas la/ de'i dus su dgra bcom pa bdun brgya'i thugs rgyud las bsdus nas/ des nag pa la/ des dan ti ka la/ des legs 'doms la/ des phyir mi 'ong blo mi phebs la/ dgra bcom pa de dag gis bstan pa'i bya ba mdzad/ des kha che dge 'dun bzang po la/ des slob dpon dbyig gnyen la/ des slob dpon yon tan 'od la/ des shAkya 'od la/ des paNDi ta seng ge'i gdong can la/ des za hor rgyal po'i bu dge slong shan ta rakShi ta/ des mkhan po mdzad nas/ rgya gar dha na shi la dang / kha che dzi na mi tra dang gnyis kyis slob dpon mdzad nas/ bod kyi dge slong la snga ba sba ye shes dbang po rab tu byung ba dang / de la ming rin chen nam mkha'i mdzod skyong / des dmar shAkya mu ne/ des g.yo dge ba'i 'byung gnas/ gtsang rab gsal la/ de dag gis bla dgongs pa gsal la/ des sgron mnya?dzu shri'i la/ des grum ye shes rgyal mtshan la/ des dbus gtsang gi mi lnga'am bcu la brgyud nas/ klu mes/ des gru mer la/ des kyo gang ba sdings la/ des gzus ston rdo rje rgyal mtshan la/ des dazus ston rnyog gi bu bzi ste/ dbu ru'i rlan glan tshul khrims byang chub/ g.yo ru'i lce tshul khrims 'byung gnas/ gtsang rong 'khar phug tu sne bo grags pa rgyal mtshan/ 'dzims pa shes rab 'od la sogs pa so so la bshad do/ /'dzims pa'i slob ma mnga' ris pa rgyal ba'i shes rab dang / ko khyim pa ye shes bla ma/ nyang mtshams rin chen bla ma dang / sog ston tshul khrims bla ma la bshad/ des rgya 'dul ba 'dzin pa ye shes seng ge la/ des mtha' bzhi 'dul ba 'dzin pa la sogs su gyes/ des rma tsho byang rdor la/ des rgya'i slob ma sha mi chen po dang / kyi pho tshul 'phags dang gsum/ des bya 'dul ba 'dzin pa brtson 'grus 'bar la/ des rtsis pa gzhon seng la/ des ba char rtse mo la/ des dbang phyug grags pa la/ des mnga' ris dgra bcom pa rgyal mtshan la/ de dag gi slob ma dang / mkhan po dang / nying slob tu ma gyur ba'i rab tu byung ba ni bod na ye med japa yin no/ /'dul ba smad lugs su grags so/ /bstan pa yas dar ba ni/ sangs rgyas kyi bstan pa'i rtsa ba'am gzhi mar gyur pa ni/ tshul khrims kyi bslab pa yin te/ de'i rkyen che shos mkhan slob yin/ de'i brgyud pa ni sangs rgyas bcom ldan 'das/ sgra gcan 'dzin bzang po/ slob dpon