bram ze chen po sa ra ha/ de gnyis kyis klu sgrub snying po/ des bha bya legs ldan/ paNDi ta ye shes snying po/ des shan ta rakShi ta/ bo la sa twa dzi na mi tra/ dha na shi la/ dharma pa la/ sa tu pa la/ gha na pa la/ ba pa la/ pra dznya pa la/ de dag gis bal lapo'i paNDi ta shAkya se na la/ mkhan po zhang zhung pa dang / drang srong phyi phud pa/ des rlung lo tsA ba la/ des drang phyo chu'i rgyun la/ des kyi 'dul ba 'dzin pa la/ des gzus rdo rje rgyal mtshan la/ 'dzims pa la/ de'i dus su jo bo rje byon nas 'brom gyis lo tsA ba mdzad nas/ mdo rtsa dang / sum brgya pa dang / karma sha dam dang / 'od ldan la sogs gsan/ gzhan yang bshad pa mang po mdzad/ dbu ru ka tsal du bzhugs zhes sde snod thams cadal ma rmongs pa zhang pa tshab pa seng ge rgyal mtshan gsung ngo / /de ltar stod dang smad nas dge slong bla chen po'i mkhan brgyud bcas pa 'phel lo/ /bstan pa'i me ro smad mdo khams smad nas 'phel bas/ khams pa la a mi zer ba de tsug yin no/ /de ltar smad nas me ro langs pa dang / stod nas langs pa gnyis las/ mnga' ris stod nas langs pa ni/ chos snga 'gyur gyi gzhug chad nas glang der gyis lcags pho bya'i lo la chos bsnubs nas/ mi rabs drug yan chad la lo brgya dang brgyad tsam song ste/ mnga' ris nyi 'og rgyal khams na sdom pa gsum gyi bka' ni chad/ bshad pa dang gdams ngag gi gnad ni med/ sgrub brgyud ni chad/ tshul dang mthun pa'i tos bsam sgom gsum ni ye med do/ /de ltar tshul ji ltar bslangs na/ dar ma'i sras khri gnam lde 'od srungs/ de'i sras dpal 'khor btsan/ de la bsam yas mchims phu'i sgrub po po lha lung dpal gyi yon tan bya bas/ mdo sde thar pa chen phyag mchod/ spang skong gi phyag mchod/ de bzhin gshegs pa sman lha'i mdo chog rnams gtan nas/ khyed sngon yab mes kun gyi bkra shis bde legs thams cad 'di las byung bas sgrubs shig gsungs nas gnang ngo / /grub thob nam mkha'i snying po dang snubs sangs rgyas ye shes rin po che'i zhal nas/ yab mes kyis dka' ba spyad cing byin rlabs thams cad 'di ltar nyams su blangs pas dngos grub thob pa yin gsungs nas gsang sngags yang phur dang / 'jam dpal zhi khro ma gshin gyi bka' rnams gtad do/ /dus 'khrugs te lo bco brgyad rgyal po mdzad do/ /rim gyis gtsang du byon/ grom pa lha rtse'i brag la pho brang mdzad nas bzhugs so/ /lo sum cu so gcig chu mo lug la sku 'das so/ /de la sras gnyis te bkra shis brtsegs pa dpal dang / khri skyid lde nyi ma mgon gnyis las/ gcen po khri bkra shis brtsegs pa dpal la sras gsum byung ste/ che ba dpal lde'i rgyud pa ni/ gung thang pa/ klu rgyal ba/ spyi pa/ lha rtse ba/ glang lung pa/ rtsad skor pa rnams yin no/ /bar ma 'od lde'i rgyud pa ni/ grom pa ba/ srad pa/ nyang stod kyi lha chen dpal la sogs yin no/ /chung ba skyid lde'i rgyud pa ni/ mus pa 'jad pa/ nyang stod na'ang 'ga' zhig yod do/ /khri skyid lde nyi ma mgon chibs kha gyen la bskyod nas mnga' ris stod du gshegs pa la yab kyi zhal nas/ lho mon dong kha phye ba 'dra ba dang / bru sha dang / sbal ti dang / sa sgang gi 'brog grog mo la sogs pa mi dang mi ma yin pa'i gnod pa mang po yod pas/ yi dam dang srung