pa rnams/ sangs rgyas kyi bka' yin par mkhyen yar gsang sngags 'bras bu'i theg pa rnams rgyu mtshan nyid dang / lam gyi spyod tshul mi mthun par 'dug pas/ bka' yin pa la the tshom zhugs nas/ de'i dus su bal po pad ma ma ru rtse bya ba chos bag tsam mkhyen pa gcig la sems bskyed thob cing / byams sems snying rje 'byongs pa'i gang zag bzang po zhig byung nas/ de la mnga' bdag lha bla mas chos zhu gsungs pas ngas mkhas par mi shes/ rgya gar na mkhas pa yod/ nga yis spyan drang ngam zer nas/ de la zhu rten gyi gzer bskur btang bas paNDi ta mkhas pa smri ti dznyA ghir ti dang / a tsarya phra la ring ba bya ba'i mkhas pa gnyis spyan drangs nas yong bas/ lo tsA ba ma ru rtse pho log glang thabs kyis bal yul du shi nas/ paNDi ta gnyis bod skad mi mkhyen tshur byon pa'i lam du dpal mo dpal thang du jag pas khrid nas bran du byas/ bros kyi dogs nas btsongs nas rin bza' 'o zer te/ rta nag tu khyong rje shag btsan bya ba la btsongs nas lug rdzi lo 'ga' byas/ glan tshul khrims snying po la rin po che spungs pa gsungs te/ de nas grub pa tob par shes nas bzugs par zhus pas ma gnang / de nas khams su byon/ yol ri la bzhugs/ lo 'ga' shas nas bod skad byang nas sgra rang 'gyur du chos gzhung dang / sgrub thabs dang / gdams ngag rin po che spungs pa la sogs mang po gsungs so/ /lo gong ye shes rin po che la mngon pa mdzod rtsa 'grel dang / sgra smra sgo mtshon cha dang rang 'gyur du gsungs so/ /de nas cog ro zhang btsun dang / g.ya' ston shes rab grags dang / pa tshab ri khrod pa dang / zangs kha mdzod khur la sogs pa kha mched de dbus su dar ro/ /gzhan yang 'jam dpal gyi 'grel pa rgyas 'bring bsdus gsum dang / de'i sgrub thabs cha lag dang / rnal 'byor gyi rgyud dkyil 'khor la sogs pa mang po rang 'gyur du mdzad do/ /a tsarya phra la ring ba ni sku bgres/ rtsa ring du sku tshe 'phos so/ /lha bla ma'i ring la smri ti byon yang lo tsA ba med pas ngo ma shes te/ byon pa ma tshor ro/ /chos mang po bsgyur yang khams su lus pas lha bla ma'i thugs dgongs ma rdzogs so/ /lha bla ma ni sbyor lam rtse drod kyi ye shes la gnas par 'jam dpal rtsa rgyud las lung bstan pa ni/ byang phyogs gang ri'i rgyud can du/ /rigs ni rgyal sras zhes bya ste/ /ye shes 'od ces bya ba 'byung / /zhes dang / mdo snying rje pad ma dkar po las/ kun dga' bo mya ngan ma byed smre sngags ma 'don/ nga mya ngan las 'das pa'i 'og tu byang phyogs su dge slong ye shes 'od ces bya ba 'byung ste/ de yis bstan pa rgyas par byed do/ /zhes lung bstan to/ /lha bla mas thugs brtse bas dgongs te/ sras gnyis kyang rab tu byung ste/ khong gi mchod gnas ser po zhes bya ba dang / sa sgang gi 'brog mi bgras te/ des ser po can bsad pa la/ lha bla mas nga'i mchod gnas bkrongs pas stong 'dod gsungs te/ mnal lam du gser rta stan tsam gcig dbul lags kyis zer nas/ dong rtse wang gi gser sa bya ba phul bas/ bug pa re nas gser bre khal gyis bcu ru byung nas spu rang du kho char dang / sil chog tu rta po dang / mar yul du nyar ma dang / dbu rig tu sha ling dang / gu ger tho ling gi gtsug lag khang chen po bzhengs so/ /gtsug lag khang