la klu sgrub yab sras kyi bzhed par bkral ba'i lugs rnams zhus/ gzhan yang dpal rdo rje gdan bzhi cha lag dang bcas pa dang / dgyes pa rdo rje rgyud gsum dang / 'khor lo bde mchog rgyud sgrub thabs dang / sgyu ma chen po rgyud 'grel sgrub thabs dang bcas pa dang / thig le rgyud drug dang / sgrub skor sde bdun dang / gshin rje nag po 'char ka dang / chos skyong mgon po gdams ngag tu gab pa mang du bsgyur/ gsang sngags pa rgyud kyi bshad nyan shin tu rgyas par mdzad/ mkhas pa'i phul du phyin/ grags pa chen po thob/ der rjes nas mar pa lho brag pas 'brog mi la bal po'i skad dang yig tshang bslabs/ chos zhu byas pas nor mang po 'dod zer nas/ 'dir bya rlags glags mi 'dug zer nas bal yul du song / bal po spyi ther pa la 'jug sgo zhus/ rdo rje gdan bzhi mnyan/ chos skyong lha mo dur gsol zhus/ lo gsum nas rgya gar du byon/ paNDi ta ye shes snying po la gsang ba 'dus pa gsan/ sgyu lus 'od gsal gyi gdams pa zhus/ de nas pu la ha rir byon/ bla ma na ro paN chen dang mjal/ sprul pa'i dkyil 'khor du dbang bskur/ dgyes pa rdo rje'i rgyud gdams pa dang bcas pa ma lus par gsan/ dpal me tog mdangs 'phrog gi dgon par/ rje mnga' bdag mai tri pa dang mjal/ dpal dgyes pa rdo rje la bstod pa glu blangs dang / sems dngos po'i 'dug tshul gtan la 'bebs pa'i gnad phyag rgya chen po la sogs pa zab kyis gsan no/ /de nas ha la par ba tar dug mtsho khol mar dpal zhi ba bzang dang mjal/ ma hA ma ya zhus/ sgyu ma sum rgyud kyi gdams pa ma lus par gsan/ lar snga pyi la rgya gar du lo bcu gsum bzhugs/ bod yul gsar ma'i lo tsA ba la gdams pa che bar grags/ de'i slob ma ni mes ston tshon po/ 'tshur ston dbang nge rngog chos sku rdo rje/ klog skya dge bzang / mar pa mgo legs/ a bo mthu chen la sogs pas 'gro ba yang dag pa'i lam la bkod pa lags so/ /de'i dus su kha rag gi gnyos 'byung pos rgya gar du byon/ mkhas pa rnams kyi zhal 'grims/ sgra bsgyur shin tu mkhas/ khyad par bla ma grub thob bha ling a tsarya dang mjal/ gshin rje gshed dgra nag rdo rje 'jigs byed kyi rgyud sgrub thabs gdams pa/ dgyes pa rdo rje dang 'jal dpal gyis mtshan yang dag par brjod pa dang / gsang ba 'dus pa dang / chos sde chen po zhus/ gsar ma'i jo sras thob pa'i mi bzhi'i dang po ni/ gnyos lo tsA ba yin skad/ de'i sras gnyos rdo rje/ gnyos gzi brjid/ gnyos rin chen rgyal po'o/ /gnyos kyi rgyud bya bar grags so/ /rgya gar du sasnga phyi la lo nyi shu bzhugs so/ /paNDi ta gnyis spyan drangs/ gsang ba 'dus pa ye shes zhabs kyi lugs/ lung dang mthun pa'i chos bcu bzhi dang / gnyos yon tan grags kyis gshin rje nag po skor gsum dang / chos skyong gur mgon po la sogs pa mang po bsgyur ro/ /gnyan chung lo tsA ba shes rab grags kyis rgya gar du phyin/ paNDi ta jo bo ma ti la 'jam dpal zhus/ bsnyen zhing bsgrubs pas sgra dang / snyan ngag dang sdeb la tshegs pa med par mkhas par gyur nas/ paNDi ta mang po bsten/ sbyangs pa cher mdzad/ paNDi ta su na ya shrI spyan drangs te/ gsang ba 'dus pa ye shes zhabs kyi lugs su bkral ba/ rgyan dang tho che chung la sogs pa dang / gzhan yang gzungs phran mang po dang / rje