btsun sgrol ma dang / chos skyong gi sgrub thabs dang / phyag na rdo rje bye spu dang drag po mngon spyod kyi las dang / rdzas sbyor nag po'i las mang po bsgyur ro/ /stod nas bla ma zangs dkar lo tsA bas kha che dang rgya gar du byon/ kha che rin chen rdo rje la sogs pa bsten/ bde mchog 'khor lo'i rgyud 'grel cha lag dang bcas pa shin du rgyas pa rnams dang / dkyil 'khor gyi cho ga rgyas pa mang po dang / phyag na rdo rje'i sgrub thabs/ slob dpon 'gro bzang snying pos mdzad pa'i chos bcu/ rgyal po'i chos gnyis te/ rnam sras la sogs pa mang po bsgyur ro/ /zangs dkar gyi dbon po lo tsA ba gzhon tshul khrims kyis kha che legs smon ka ra la zhus nas/ slob dpon bha ba lhas mdzad pa'i sgrub thabs rgyas bsdus/ dkyil 'khor cho ga sbyor kha chen po cha lag dang bcas pa dang / me lce 'phreng rgyud/ rdo rje be con gyi rgyud/ rdo rje gsang ba'i rgyud la sogs pa bsgyur/ dge ba'i bshes gnyen grwa pa mngon shes can la gdams nas dar bar mdzad do/ /de'i dus bod du lo paN byon tshad bla ma gra pas 'degs shing 'bab pa lags skad/ de'i dus lo tsA ba dge tshul khyung grags kyis rgya gar dang kha cher phyin/ chos mang po btsal/ bal po dza hUM dang gnyis kyi 'gyur mang du mdzad/ gzhan yang lo tsA ba nyi ma dngos grub kyis mtshan brjod kyi 'grel pa/ 'jam dpal bshes gnyen gyis mdzad pa'i lugs rnams dang / sgeg pa rdo rjes mdzad pa'i lugs dang / 'jam dpal grags pas mdzad pa'i lugs rnams bsgyur ro/ /gzhan yang shi'u lo tsA ba rdo rje lha dang / lo tsA ba 'gar chos kyi bzang pos paNDi ta su ma ti kir ti/ bal po thugs rje chen po spyan drangs nas/ mtshan brjod kyi 'brel pa gsar ma dang / phyag na rdo rje drag po gsum 'dul gyi rgyud snga phyi dang / de'i sgrub thabs slob dpon dza wa ris mdzad pa dang / gzhan yang lo tsA ba'i chos drug tu grags pa bsgyur ro/ /paNDi ta a bha ya ka ra ghu pa ti'i slob ma/ lo tsA ba yong zhes zhe gsal ba gnyis kyis 'bro shes rab grags dang / dge bsnyen shes rab brtson 'grus kyis dkyil 'khor gyi cho ga rdo rje 'phreng ba bsgyur ro/ /mi nyag lo tsA ba rtsa mi sangs rgyas grags pas dpal dus 'khor 'grel chen cha lag dang bcas pa dang / khams pa shes rab 'od zer dang / mi nyag kun dga' grags dang / steng pa dkar 'od tshul khrims 'byung gnas kyis 'khor lo bde mchog rgyas bsdus dang chos skyong mgon po phyag bzhi pa/ las mkhan bya rog gdong can dang bcas pa'i rgyud sgrub thabs dang bcas pa/ zab pa'i gdams pa mang po dang bcas pa bsgyur ro/ /de'i slob ma khams pa dga' blos kyang grub pa thob bo/ /gtsang pa lo tsA bas kyang 'gyur gyi zhus dag rnams byas so/ /khams pa ba ri lo tsA ba rin chen grags pas paNDi ta a mo gha badzra spyan drangs nas/ bya spyod kyi rtogs pa mang po dang / phyag len dang sgrub thabs brgya rtsa brgyad/ bla med kyi dkyil 'khor cho ga bka' zab pa mdzad cing bsgyur ro/ /rlan glan chung lo tsA ba dang ong po phu ru lo tsA ba dang gnyis kyis don yon zhags pa bsgyur ro/ /yar 'brog do ri mar pa lo tsA ba chos kyi dbang phyug gis kyang dpal 'khor lo bde mchog gi sgyur sgrub thabs rgyas pa cha lag mang po bsgyur ro/ /des ze ba blo ldan