mkhan po chos rgyal skyong dang / chos kyi byang chub dang / dharma rakShi ta dang bzhi la bshad de rgya gar gyi brgyud pa'o/ /bod du lo tsA ba che btsan skyes kyis mdo khams mkhas pa bzhi la gtugs nas bsgyur ro/ /de rjes nas dharma rakShi ta dang dharma bo dhi gnyis la lo tsA ba snubs sangs rgyas ye shes rin lapo ches zhus te gtan la phab/ des thugs sras bzhi la/ bzhis spa gor blon chen 'phags pa la gnang / des dan yon tan mchog des begs gsal ba'i byang chub/ des rgya blo gros gzhon nu/ des zhu bsod nams shAkya/ des rgya shAkya mchog des bla chen zur po che la'o/ /sems phyogs a ti'i brgyud tshul ni/ chos sku kun tu bzang pos rang dang tha dad mi mnga' ba rigs lha'i ngo bo dpal rdo rje sems dpa' la/ des don sdud pa po tha dad med pa rdo rje snying po la'o/ /des yang sprul dga' rab rdo rje/ des 'jam dpal bshes gnyen/ des gdung rabs nyi shu rtsa lnga la sogs pa mkhas pa lnga brgya la brgyud/ des paNDi ta shrI sing ha/ des lo tsA ba bai ro tsa na/ des rim par g.yu sgra/ dznyA na/ sog po dpal gyi ye shes/ snubs yon tan rgya mtsho/ ye shes rgya mtsho dang / pad ma dbang rgyal/ nyang chen nyang chung / zur po che la'o/ /bod kyi brgyud pa'i bka' babs lha rje chen po 'ug pa lung pa/ zur po che shAkya 'byung gnas la/ slob ma rtse mo bzhi ni/ lta dgongs sgom sgrub kyi rtse mo zur cung shes rab grags pa/ bshad pa'i rtse mo bres kyi mi nyag 'byung grags/ mkhyen rgya'i rtse mor gyur pa ra za gling pa'i zhang 'ges chung / phyag bzhes kyi rtse mo shangs mtsho nya'i bzang sgom shes rab rgyal po/ rtse lkog brgyad ni/ dge bshes lo rog bram ze rtsags bla ma/ sum pa blo rgya/ lo chung shAkya rgyal po/ rta ro/ sum pa dbang tshul/ bla chung 'od skyid/ chags ston nam mkha' 'o/ /gzhan yang sgom chen pa brgya rtsa brgyad byung ngo / /lha rje rgya bo pa zur cung shes rab grags pa la/ thugs sras bka' babs bzhi ni/ bdo'i bka' babs shab lung nag skyed lung yang khyeng bla ma/ sems phyogs nyams len gyi bka' babs/ ra sa gong bu'i skyo ston shag yes/ sgyu 'phrul gyi bka' babs g.yas ru cu bar ba glan shAkya bzang po/ phyag bshes man ngag la mkhas pa'i bka' babs nag mo ri gseb pa dha ti jo shag go/ /gdung 'dzin brgyad ni/ bskyed rdzogs gsum gnyis la mkhas pa nyang ro chu sgo'i ma thog byang 'bar/ shangs nya tshal ba/ glan shAkya byang chub/ sna nam pa/ snubs ston bag ma/ shangs bram pa/ rtsags shag rin/ ne ser gyi skyo ston chos seng / dbus pa sangs rgyas rdo rje/ la stod byang pa/ shud ston zla grags/ stag sde ba/ rtse rom byang chub dpal lo/ /bde gshegs rgya bo ba'i slob ma la mnga' ba/ 'gos bya tsha/ meg chung dbang seng / spyal ston yon tan rgyal po/ 'gar ston rgu ru/ lo ston shes rab rgyal po/ de rnams cha phran yin/ de rnams la sgro phug pa shAkya seng ges zhus/ de la slob ma nag po bzhi/ me bzhi ston bzhi ring dang lnga / co rog pa brgyad la sogs rgya dpon pher ba stong phrag thon nas/ bka' sde zur tsho zhes grags te/ skor re la gdugs thogs kyi dge bshes stong nyis brgya/ rnga thogs kyi ban de stong lnga brgya re thon te gsang sngags snga 'gyur gyi me ro bslangs nas/ mdo sgyu