'phrul sems phyogs kyi bstan pa dar bar mdzad/ gsang sngags ma mo'i brgyud pa ni/ ston pa sangs rgyas mngon rdzogs rgyal po che mchog he ru kas/ don sdud pa po gnod 'dul lha la/ des me ri 'bar ba'i gzhal yas khang du phra men rgya mtsho ma la brgyud/ des ri bo ma la yar/ blo ldan rgyal po da la/ des tho gar yul du/ li tsa dri ma med pa la/ des o rgyan gyi ri nag po theg bsdus su/ za gad skya rings blo ldan la/ des dbu rgyan gser mig tu/ khye'u mad dri chung ba la/ des dur khrod bsil ba tshal du/ pad ma 'byung gnas la bshad/ gye gye ru tsan dan gyi gling du yang shinti garbas/ srid pa bems/ 'bum tig bdud mo bkol byang / mkha' la skar tshogs/ srid pa stong gi dra ba rnams bshad do/ /rdzogs pa chen po/ bka' ye shes gsang rdzogs rgyud lnga dang / zab ma gter gzhung nyer gcig dbang bskur ngo sprod dang bcas pa lo tsA ba chen po bai ro tsa nas g.ya sgra la/ des sba sgom rdo rje rgyal mtshan/ rim par/ rab snang lha'i dbang phyug gru mchog gi ye shes/ nyang shes rab 'byung gnas/ nyang rdo rje snying po/ nyang ri khrod pa chen po zag med kyi sku brnyes pa 'dar ston dge 'dun/ gnyan lcags byil pa/ spa se ras pa/ rtse phrom par lhas pa/ glan rdzing 'bring ba/ glan shAkya mgon po/ dbas grub pa sogs pa la gnang nas so sor dar zhing rgyas par mdzad do/ /snyags dznyA na'i slob ma/ mdo smad pa 'phags pa 'jam dpal gyi sprul pa thams cad mkhyen pa a ro ye shes 'byung gnas kyis gdams pa phyi skor/ nang skor gsang skor/ gzer ka che 'bring la sogs pa gsungs te/ zangs ka mdzod khur/ kha rag gru sha rgyal bu/ ya zi bon ston/ gru gu glog chung / kong rab mtsho/ ltam dar ma/ 'tshe me byang chub rdo rje/ sba sgom bsod snying / kha rag sgom chung / ba rang sgom chen/ ma gcig nyang mo/ des dam pa shAka rgyal la brgyud do/ /kun byed rgyal po ma bu dgu skor ni/ bai ro tsa na/ g.yu sgra/ gsang ston ye shes bla ma/ a ro ye shes/ sba sangs rgyas mgon po/ sba rakShi ta/ ya zi dar ma shes rab/ nyang ston pra ba/ mar pa khrom rgyal/ de la slob ma bzhi/ lho brag gi mar pa shes rab 'od/ gtsang pa'i gsum pa dbang tshul/ dbus kyi nag rog ston pa/ jo mo sgeg 'phreng ma dang bzhi/ de bzhi la 'bri mtshams lung pa can pa/ shangs pa nag pos zhus zer te brtag lang tsha dar ma shes rab bsod nams/ de la dha tsha hor po/ dam pa shAka rgyal po/ sems phyogs khams lugs zhes grags so/ /skor ston shes rab grags pa la skor lugs su grags/ gtsang gi mkhas pa chos kyi bzang po la rong lugs su grags/ bram ze'i lugs ni/ paNDi ta bi ma la dang / nyang ting nge 'dzin bzang pos bsgyur/ des gter du sbas/ 'dan ma lhun gyi rgyal mtshan gyis bton/ des shangs pa lce chung ye shes rgyal mtshan la gdams/ des phyogs kun tu dar ro/ /rdzogs chen bla med ni/ bi ma las ka cog rnam gsum la gdams/ nyang ting 'dzin bzang pos gter du sbas/ des bsam yas kyi zhang chen po dang / rje btsun seng ge dbang phyug la gdams/ des lce sgom nag po/ des skal ldan yo so la gdams/ bshad pa dang phyag len gyi chos rnams rgyas so/ /de nas sgrub brgyud kyi gdams pa rnams ni/ dam pa sangs rgyas las brgyud pa/ bka' babs rnam gsum ste/ snying po