lo dang po bskor/ gnyis pa rgyal po'i khab dang / bya rgod phung po'i ri la chos gsungs pa dang / gsum pa yangs pa can dang / grong khyer pad mo can du chos gsungs pa dang / gnas gzhan du yang bzhugs te chos gsungs pa'o/ /sangs rgyas kyis mdzad pa'i mchod rten bzhengs tshul rnams so/ /de nas dpal nA len dra na dgung lo bcu gnyis pa'i sku tshad bzhugs pa'i dus su bstan pa dar bas/ gtsug lag khang chen po gcu bzhi/ chung ngu dgu bcu go bzhi yod/ dge slong paNDi ta lnga brgya/ dge tshul paNDi ta lnga brgya/ sngags kyi paNDi ta lnga brgya/ bha ling a tsarya la sogs pa gtor ma'i ku su lu lnga brgya bzhugs/ de'i dus su bshad sgrub kyi bstan pa dar bas/ mu stegs pas phrag dog byas nas dmag chen po drangs pas/ sgrol ma brgyad dang mgon po brgyad kyi lha khang bshig nas dmas par byas so/ /de nas ring zhig na/ yul dbus su rnal 'byor pa zhig gis lha mo 'od zer can chu bo gang gA'i 'gram du bsgrubs pas zhal mthong nas/ dngos grub ci 'dod zer/ nga rgyal po gcig thob par 'dod byas pas/ ba glang rdzi'i grong zhig na ma mad gsum ngu ba mthong / khyod ci la ma dga' zhes dris pas/ nga'i bu la rgyal po'i res mos babs zer nas/ de la ngu rgyu ci yod dris pas/ do nub 'chi ba yin zer/ nga yis khyed kyi bu'i tshab bya'am byas pas/ 'o na rung ste zer nas grong khyer de nyid du rnal 'byor pa de rgyal por dbang bskur ro/ /de'i nub mo rgyal po'i mal du btsun mo klu ru sprul pa des sbrul gcig tu byas nas za ru byung bas lha mo 'od zer can gyis rdo rje'i dbyugs pas sbrul de mgo bo bcom nas bsad do/ /nangs par skye bo thams cad rol mo dang bcas te rgyal po'i spur 'byin du byung bas rgyal po cad ma nyes par bzhugs pa mthong bas/ de rnams na re/ nged kyi rgyal po res mos bab na nub re la 'chi ba yin na/ khyod ma shi ba ji tsug yin byas pas/ des sngar rgyal po klus bsad 'dug mdang ngas klu btul yod pas/ da rgyal po mi 'chi yis khyed rang rnams rgyal por gang 'os pa skos shig byas pas/ da khyod rang la rgyal po zhu zer nas/ der des rgyal po mdzad pa la btsun mo brgya tham pa khab tu blangs dbang bskur ro/ /de'i mtshan yang go ba pa la zhes bya'o/ /de'i btsun mo dam pa zhig gi rmi lam du dge slong zhig gnas g.yar zer bas de rgyal po'i snyan du gsol bas/ gnas g.yar du chugs shig rgyal bu btsa' ba'i brda' yin gsungs/ de'i dus su dge slong sbyangs pa'i yon tan dpal ldan pa/ grub pa thob pa'i rnal 'byor pa/ sa lu bya ba zhig yod pas/ de'i thugs dgongs la/ 'dzam bu'i gling du theg pa chen po'i chos dar bar bya/ de la nga skye ba la/ 'dzam bu'i gling du theg pa chen po'i chos dar bar bya/ de la nga skye ba la dbang thob pas dbus gyur gyi tshal/ shar phyogs kyi mu khyer ri pa ri zhes bya ba'i rgyud 'di la bsil ba gang gA chu bo/ lho na nags la sogs pa yon tan du ma dang ldan pa 'dir/ rdo leb 'di'i steng du dge 'dun sde pa bzhi las gyes pa bco brgyad/ theg pa chen po gcig bsam gtan pa'i gcig ste/ nyi shu tham pa 'tsho ba'i gzhis gcig yod na dga' ba la snyam du dgongs so/ /de yang da lta nga la nus pa mi 'dug pas rgyal po 'di'i sras su gyur na rung ba la snyam nas/ mu tig hab rtse gcig yod pa