gi rtsa na bzhugs/ de nas bdun phrag gsum pa la stong gsum rings pa nas rings par zhabs kyis bcags pa'i dus kyi byang phyogs rdo'i ra ba'i rgyab/ 'dom pa bzhi tsam gyi mtshams na mchod rten mi che ba bcu gnyis kyi 'phreng ba byas pa yod/ de nas bdun phrag bzhi pa la/ zhag bdun du spyan mi btsum par byang chub kyi shing la gzigs te/ byang chub kyi shing 'di la brten nas 'das pa'i sangs rgyas thams cad kyang sangs rgyas/ ma 'ongs pa dang / da ltar byung ba yang 'di la brten nas sangs rgya bas/ thams cad la drin che snyam du dgongs nas rten cing 'brel bar 'byung bar byin gyahis brlabs te/ sangs rgyas thams cad kyang de ltar mdzad gsungs/ de'i sa na bcom ldan 'das kyi sku tshad byang chub kyi shing la gzigs pa gcig bzhugs pa'i steng na gan dho la 'dom nyi shu rtsa lnga pa gcig yod/ de'i rgyab na bcom ldan 'das kyis dag pa'i skyes rabs lnga brgya/ ma dag pa'i skye ba lnga brgya ste stong bzhe pa'i sa na mchod rten lha khang yod pa'i nang na bcom ldan 'das kyi sku tshad sbrul gyi gdengs kas sku rgyab dang dbu la bkab pa gcig bzhugs/ de na na?ya gro ta'i sdong po chen po gcig kyang yod/ de nas bdun phrag lnga pa la klu'i rgyal po btang bzung gis phyag byas pa'i sa na mchod rten zhig yod/ de nas rdo rje gdan gyi nub phyogs su byon pa na/ shin tu grang ba byung ste klu'i rgyal po btang bzung gis sbrul gyi lus kyi bcom ldan 'das kyi sku la dkyis te/ gdengs kas sku la bkab po/ de'i shul na zangs gling pas bzhengs pa'i mchod rten gcig gi nang na/ bcom ldan 'das kyi sku shin tu legs pa sbrul gyi gdengs kas dbu bkab pa bzhugs so/ /mcho'i nang na rdo'i theb skas bcom ldan 'das kyi mdun du byung ba yod/ de'i shar phyogs mda' rgyang gang tsam gyi sa na/ rgyal po bzhis lhung bzed phul ba'i sa na mchod rten 'dom gsum pa gcig yod pa'i rtsa na/ bcom ldan 'das kyi sku khru gang tsam gcig la rgyal po chen po bzhis lhung bzed phul ba'i tshul du byas pa yod do/ /de nas bdun phrag drug pa la byang gi phyogs rgyang grags gcig tsam la tshur byon pa'i sar mu stegs kun tu rgyu ba 'dul ba'i sa na/ na?yagro ta'i shing sdong yod pa'i sa na/ mchod rten gcig bzhugs/ de nas zhag bdun phrag bdun pa la tshur byon nas/ rdo rje gdan gyi shar phyogs kyi sgo 'gram/ lcags ri'i rgyab lam po che'i g.yas phyogs na tshong dpon ga gon bzang skyong dang mjal te/ sbrang rtsi la sogs phul/ de dag la shis par brjod pa'i lung bstan pa na/ mchod rten 'dom gang tsam gcig gi logs la bcom ldan 'das kyi sku dang / tshong dpon ga go na'i gzugs byas pa yod do/ /de nas yang byon te/ rdo rje gdan gyi lho nub kyi mtshams shing na?ya gro ta'i sdong po gcig gi drung na/ chos mi gsung bar brtson pa chung ba la thugs gzhol te/ zab zhi spros bral zhes gsungs te bzhugs pa la/ tshangs pa dang brgya byin gyis gsol ba btab pa'i sa na/ mchod rten na?ya gro ta a de zhes pa 'dom lnga tsam pa gcig yod pa'i nang na bcom ldan 'das kyi sku mi 'bring po tsam gcig zhal nub tu gzigs pa'i rtsa na tshangs pa dang brgya byin gyi gzugs byas pa yod/ mchod rten gyi lho byang na sgo gnyis yod/ de nas wa ra Na sir bzhud de chos kyi 'khor