grub pa'i g.yog pos ro langs gser du 'gyur ba'i las byas kyang zer/ der paNDi ta mang po bzhugs pas gtsug lag khang chen por grags so/ /der ngo bo shAkya dgung lo bcu gnyis pa'i sku tshad spyan drangs nas sems can gyi don mdzad do/ /de'i dus na rgyal po de ba pa la la sras med nas dkon mchog la mchod pa phul/ ngan slong la sbyin gtong chen po byas pas/ sras gcig btsas gtsas te ming dharma pa la bya bar btags/ rgyal po des dgung lo bcu gnyis pa'i sku tshad der mchod pa byed cing 'gro don rgya che ba mdzad do/ /de'i tshe nub phyogs bha len ta'i phyi rol pa mu stegs kyi rgyal pos yul dbus su dmag drangs te/ lha khang thams cad bshig glegs bam thams cad bsregs/ paNDi ta thams cad bkrongs/ rgyal po dharma pa la pham palas bstan pa nyams te/ rgya nag gi rgyal por nga la rgyu sems cad la 'bras bu sangs rgyas 'byung ba dam pa'i chos bya ba yod pa la phyis mu stegs kyi phrag dog byas nas dmag gis gtsug lag khang bshig bstan pa dmas par byas pas/ khyod rgya nag rgyal po dpung che la thabs mkhas pas nged la sdong grogs dgos pas/ khyed kyi dmag dpung che ba gcig btang bar zhu bya ba'i 'phrin yig btang bas/ rgya nag gi rgyal pos za 'og gi gos srub med pa gyon pa'i thugs kar dpal pe'u brtsegs ma'i khang bu yod pa gcig gis sna drangs pa'i gser/ dngul/ dar zab/ rin po che'i bum pa la sogs pa lo gcig gi nang du skyes chen po lan gsum brdzangs/ 'o cag gnyis po grogs po bya'o zhes pa'i 'phrin dang skyes byung / rgyal po dharma pa las de rkyen byas nas mu stegs byed pham par byas so/ /lha khang mang du brtsigs/ paNDi ta'i grwa mang po btsugs/ glegs bam mang pa bris pas bstan pa sngar gyi sor chud pas rgyal po thugs dgyes nas bsams pa/ blon po rnams spro nas yod/ 'di rnams rgya nag po'i drin yin pas skyes lan chen po 'dod du yong snyam ste thugs las cher byung bas de nas dus lan gcig rgya nag rgyal pos pho nya ba btang nas 'phrin yig 'di skad du bskur ro/ /kye rgya gar rgyal po chos skyong bstan pa'i bdag /sngon bsags bsod nams dam pa'i dpal gyur pas/ /rigs rgyud mtho la bzang ba chos rgyud 'khrungs/ /gnas bzang mchog tu 'phags pa rgya gar yul/ /sngon bsags 'phro mthud chos skyong mnga' bdag mdzad/ /bsod nams khyad du 'phags pas dge tshogs spel la brtson/ /sku khams bde zhing chos 'khor 'phel bar bdag gis 'khums/ /gnas dang yal gyis bskal nas zhal mjal ma gyur kyang / /las dang smon lam 'brel bas bzlas pa'i gtam la brten/ /phan tshun brtse sems skyes pas grogs su skyes kyis 'grul/ /khyed ni yul dbus sangs rgyas byon pa'i gnas su 'khrungs/ /bsod nams gsog pa'i mchod gnas rten gyis phongs pa med/ /bdag ni sangs rgyas zhabs kyis ma bcags rgya nag yul du skyes/ /sngon gyi bsod nams dman pas bsod nams gsog pa'i zhing med pas/ /longs su spyod nor gyis phongs par ma gyur kyang / /mchod pa 'bul ba'i rten zhig dgos pas na/ /khyod kyi mchod gnas sangs rgyas zhal skyin de/ /dge slong bzhi dang bcas te gnang bar zhu/ /zhes springs nas byung bas/ mi bskur bar thabs med nas 'di skad du springs so/ /rgyal po khyed la zhu zhing gsol ba ni/ /bdag gi mchod gnas sangs rgyas zhal skyin 'di/